ބަޔާން މިއުނިކަށް ކުޅެމުން އަންނަ ޑަގްލަސް ކޯސްޓާ އިޓަލީގެ ގަދަބާރު ޔުވެންޓަސްއަށް ބަދަލުވާން ނިންމާފައިވާ ކަމަށް ރިޕޯޓްތަށް ބުނެފިއެވެ.

ބަޔާނުގައި އެކަށީގެންވާ ވަރަށް ކުޅެން ފުރުސަތު ނުލިބޭތީ، މިފަހަރުގެ ޓްރާސްފާގައި އޭނާ ކުލަބު ދޫކޮށްލާނެ ކަމަށް ގިނަ ފަރާތްތަކަކުން އައީ ބުނަމުންނެވެ. އެގޮތުން އިނގިރޭސި ބޮޑެތި ކުލަބުތަކުން ދިޔައީ އޭނާއަށް ފާރަލަމުންނެވެ.

މީޑިއާ ރިޕޯޓްތަށް ބުނާގޮތުން ކޮސްޓާ ޔުވެންޓަސް އަށް ބަދަލުވާން ނިންމާފައިވަނީ ލޯނު އެއްބަސްވުމެއްގެ ދަށުން 10 މިލިއަން ޔޫރޯގެ އަގަކަށެވެ. އެގޮތުން ޔުވެންޓަސް އިން އޭނާ އާއިއެކު 2 އަހަރު ދުވަހުގެ އެއްބަސްވުމަކަށް އާދެވިފައިވާ ކަމަށް ރިޕޯޓްތަށް އަންނަނީ ބުނާމުންނެވެ. ރިޕޯޓްތައް ބުނާ ގޮތުން ލޯން ހަމަވުމުން ޔުވެންޓަސްއިން ކޮސްޓާ ގަންނަން ބޭނުންނަމަ ބަޔާންއަށް 30 މިލިއަން ޔޫރޯ ދައްކަން ޖެހޭނެއެވެ.

އުމުރުން 26 އަހަރުގެ ކޮސްޓާ ބަޔާން އާއި ގުޅުނީ 2015 ވަނަ އަހަރު ޔޫކްރޭންގެ ޝަހްރަތު ޑޮނެސްކް އިން 21 މިލިއަން ޕައުންޑުގެ އަގަކަށެވެ. ބާޔާން މިއުނިކަށް މިހާތަނަށް ކުޅުނު 77 މެޗުގައި އޭނާވަނީ 14 ލަނޑު ކާމިޔާބުކޮށްދީފައެވެ.