މިހާތަނަށް ކުޅުނު ފިލްމުތަކުގެ ތެރެއިން "ޖައްގާ ޖާސޫސް"އަކީ އެންމެ މަޖާކުރެވުނު ފިލްމު ކަމަށް ކެޓްރީނާ ކައިފް ބުނެފިއެއެވެ.
"ޖައްގާ ޖާސޫސް" ސިނަމާތަކަށް އަންނަން ގާތްގަނޑަކަށް 3 ދުވަހަށް ވެފައިވާއިރު ކެޓްރީނާ ދަނީ އެ ފިލްމު އާންމުން ބަލައިގަންނާނެ ފަދަ ފިލްމަކަށް ހެދުމަށް އޭނާއަށް ކުރެވެންހުރި ހުރިހާ މަސައްކަތެއް ކުރަމުންނެވެ.
ކެޓްރީނާ ބުނީ އޭނާ މިހާތަނަށް ކުޅެފައިވާ 30 ފިލްމުގެ ތެރެއިން "ޖައްގާ ޖާސޫސް" އަކީ އެންމެ މަޖާކުރެވުނު ފިލްމު ކަމަށާއި ފިލްމުގެ ޝޫޓިން ކުރިއަށްދިޔައިރުގައި އޭނާއަށް ކޮންމެ ދުވަހަކުވެސް އާކަންތައްތަކާއި ޝައުގުވެރިވާ އެތައް ކަންތައް ދިމާވި ކަމަށެވެ.
"ޖައްގާ ޖާސޫސް" ގެ ޓްރެއިލާ އާއި ބައެއް ލަވަތައް މިހާރު ނިކިމެފައިވާއިރު އެ ފިލްމު އެޅުވުމުގެ ކުރިން ފިލްމުގެ ޕްރޮމޯޝަންސްތައް ކެޓްރީނާ އާއި ރަންބީރާ އެކުގައި ދަނީ ކުރަމުންނެވެ.
އެގޮތުން އެދެމީހުން އެކުގައި ދަނީ އެކި ކަހަލަ އިވެންޓްތަކާއި ޝޯތަކުގައި "ޖައްގާ ޖާސޫސް" ޕްރޮމޯޝަންތައް ހިންގަމުންނެވެ.
