ބޯކޮށް ވާރޭވެހޭނެކަމަށް ލަފާކޮށް, ރާއްޖޭގެ ބޮޑުބަޔަކަށް ވައިޓް އެލަރޓް ނެރެފިއެވެ.

މޫސުމާބެހޭ ގައުމީ އިދާރާއިން ބުނީ ހޯމަ ދުވަހުގެ ރޭ އިރުއޮއްސި 6:30ން ފެށިގެން މެންދަމު 12:30އާ ހަމައަށް ހއ އަތޮޅު ފެށިގެން ލ އަތޮޅަށް ވައިޓް އެލަރޓް ނެރޭކަމަށެވެ. އަދި މިވަގުތުތަކުގައި އެސަރަހައްދަށް ގުގުރުން އެކަށީގެންވާކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ލަފާކުރެވޭކަމަށް ވެސް ބުނެފައިވެއެވެ.

މެޓް އޮފީހުން ބުނީ ރާއްޖޭގެ އެކި ހިސާބަށް ގުގުރުމާއެކު ވިއްސާރަކުރާނެކަމަށާއި، ކަނޑުތައް އާދައިގެ ވަރަކަށް ވިލާގަނޑުގައި ގަދަވާނެކަމަށެވެ.