ބައިނަލްއަގުވާމީ ޝެފުންގެ ޖަމިއްޔާ، ވޯލްޑް އެސޯސިއޭސަން އޮފް ޝެފްސް ސޮސައިޓީ (ވެކްސް)އިން، ޝެފް މަހާ ނަސީރު ކޮންޓިނެޓަލް ޖަޖަކަށް ސެޓިފައިކޮށްފިއެވެ.
ވެކްސްއިން މަހާ ކޮންޓިނެޓަލް ޖަޖްއަކަށް ސެޓިފައިކޮށްފައި ވަނީ ކަލިނަރީ ދާއިރާގެ ބައިނަލްއަގުވާމީ ފެންވަރުގެ ގިނަ ޕްރޮގްރާމުތަކެއް ފުރިހަމަކުރުމުންނެވެ. ވެކްސްއިން ކޮންޓިނެންޓަލް ޖަޖުގެ ލަގަބު މިހާތަނަށް ދީފައިވަނީ 5 ދިވެހީންނަށެވެ.
މަހާއަކީ މިހާރު ޝެފްސް ގިލްޑް އޮފް މޯލްޑިވްސްގެ ސެކްރެޓަރީ ޖެނެރަލެވެ. އަދި މަހާ ވަނީ ފާއިތުވި އަހަރުތަކުގެ ތެރޭގައި ގައުމީ އަދި ބައިނަލްއަގުވާމީ އެތައް އެވޯޑުތަކެއް ހާސިލްކޮށްފައެވެ.
މަހާއަކީ މިހާރު ރާއްޖޭގައި ތިބި މަދު އަންހެން އެގްޒެކެޓިވް ޝެފުންގެ ތެރެއިން އެކަކެވެ. އަދި ރާއްޖެއިން މާސްޓަރ ޝެފުގެ ލަގަބު ލިބުނު ފުރަތަމަ ދިވެހި ޝެފެވެ.
