މިރެއަކީ ދިވެހި ފިލްމު " 4426" ސްކްރީން ރިލީޒްކުރާނެ އެންމެ ފަހު ރޭ ކަމަށް ޑައިރެކްޓަރ ފާތިމަތު ނަހުލާ ބުނެފިއެވެ.
ނަހުލާގެ ފުރަތަމަ ބިރުވެރި ފިލްމު" 4426" ގެ ކާސްޓުންގެ ތެރޭގައި ނަހުލާގެ ކުރީގެ ފިލްމުތަކާއި ޑްރާމާތަކުގައި މަސައްކަތް ކޮށްފައިވާ ތަޖުރިބާކާރު ތަރިންގެ އިތުރުން ޒުވާން ތަރިން ވެސް ހިމެނެ އެވެ. އޭގެ ތެރޭގައި ޔޫސުފް ޝަފީއު (ޔޫއްޕެ)، ޝީލާ ނަޖީބް، މުހައްމަދު ފައިސަލް، މަރިޔަމް އައްޒަ، ޖުމައްޔިލް ނިމާލް، އަހުމަދު ޒިޔާ، ޖިމީ އަދި އިސްމާއީލް ޖުމައިހް (ޖުމާ) ހިމެނެ އެވެ.
ފިލްމަކީ ޒުވާނުންގެ މެދުގައި ބޮޑު މަގުބޫލުކަމެއް ލިބިގެން ދިޔަ ފިލްމެކެވެ.
4426 "ނެރުމުގެ ކުރިން މިރޭ އޮލިމްޕަހުގައި ނަހުލާގެ އެންމެ ފަހުގެ ފިލްމު "ބޮސް" ލޯންޗުކުރުމުގެ ހަފްލާވެސް އޮންނާނެ ކަމަށް ނަހުލާ ބުންޏެވެ. "ބޮސް" ގެ ކާސްޓުން ނަކީ އަދި ސަޕްރައިޒެއްކަމަށާއި މިރޭ ފެންނާނެކަމަށް އޭނާ ބުންޏެވެ.
