ޖުޑިޝަލް ސާވިސް ކޮމިޝަން(ޖޭއެސްސީ) ގެ ރައީސް އަދި ސުޕްރީމް ކޯޓްގެ ފަނޑިޔާރު އަލީ ހަމީދު އައިޖީއެމް ހޮސްޕިޓަލުގައި އެޑްމިޓްކޮށް ފަރުވާ ދޭން ފަށައިފިއެވެ.
އައިޖީއެމްއެޗްއިން ވަނީ ރާއްޖެއެމްވީއަށް އެކަން ކަށަވަރުކޮށްދީފައެވެ.
މައުލޫމާތު ލިބޭ ގޮތުގައި އަލީ ހަމީދު ހޮސްޕިޓަލަށް ގެންގޮސްފައިވަނީ މިއަދު ހަވީރުގެ ވަގުތެއްގައެވެ.
އައިޖީއެމްއެޗްގެ އެމެޖަންސީ ރޫމްގައި އަލީ ހަމީދަށް ފަރުވާ ދިނުމަށް ފަހު އެގްޒެކެޓިވް ވޯޑަށް ބަދަލުކޮށް ފަރުވާދެމުންދާ ކަމަށް މައުލޫމާތު ލިބެ އެވެ.
އަލީ ހަމީދު ހޮސްޕިޓަލަށް ގެންދެވުނީ ހާޓް އެޓޭކެއް ޖެހިގެންކަމަށް ބައެއް ފަރާތްތަކުން ބުނަމުންދިޔަ ނަމަވެސް، ރާއްޖެއެމްވީއަށް އެނގިފައިވާ ގޮތުގައި އެމަނިކުފާނު އެޑްމިޓް ކުރެވުނީ ހާޓް އެޓޭކެއް ޖެހިގެންނެއް ނޫނެވެ. އަދި މިހާރު އެމަނިކުފާނުގެ ހާލު މިހާރު ދަނީ ރަނގަޅުވަމުންނެވެ.
