އިންޑިއާގެ ބޮޑުވަޒީރު ނަރެންދުރަ މޯދީއާއި އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ އެއްބަސްވުންތަކެއްގައި ސޮއިކުރައްވައިފިއެވެ.
މި އެއްބަސްވުންތަކުގެ ތެރޭގައި ޖައްވީ ކަންކަމާ ގުޅޭ އެއްބަސްވުމަކާއި ދަނޑުވެރިކަމާ ގުޅޭ އެއްބަސްވުންތަކެއް ހިމެނެއެވެ.
ދެ ލީޑަރުން ގުދުސްގައި ދެއްވި ގުޅިފައިވާ ބަޔާނުގައި ވަނީ ދެގައުމުން ވެސް "ޓެރެރިޒަމްގެ ކަންކަން ތަހައްމަލް ކުރަން ޖެހިފައިވާކަމަށް" ފާހަގަކުރައްވާފަ އެވެ.
ބޮޑުވަޒީރު މޯދީ ވިދާޅުވީ ހައްދުފަހަނައެޅުން އިތުރުވުމާ ޓެރެރިޒަމާ ދެކޮޅަށް ހަނގުރާމަ ކުރުމުގެ އިތުރުން ސައިބަރ ސްޕޭސްގެ ދާއިރާއިން އެކުގައި މަސައްކަތް ކުރައްވާނެ ކަމަށެވެ.
އެ މަނިކުފާނަކީ އިސްރާއީލަށް ވަޑައިގެންނެވި އިންޑިއާގެ ފުރަތަމަ ބޮޑުވަޒީރެެވެ.
ބައެއް ފަރާތްތަކުން ދެކޭގޮތުގައި ބޮޑުވަޒީރު މޯދީގެ މި ދަތުރުފުޅަކީ އިސްރާއީލާމެދު އިންޑިއާއިން ގެންގުޅޭ ސިޔާސަތު ބަދަލުވެގެންދާނެ ދަތުރުފުޅެކެވެ.
އިންޑިއާއާއި އިސްރާއީލުން ޚާރިޖީ ގުޅުން ގާއިމކުރިތާ 25 އަހަރުވަނީ ވެފައެވެ.
ނަމަވެސް މުސްލިމް އާބާދީ އިތުރުވަމުންދާ އިންޑިއާ އިން އަބަދުވެސް ފެންނަމުންދަނީ ހަމަހަމަ މިންގަނޑެއް ގެންގުޅެމުންދާތަނެވެ.
