ސޯޝަލްމީޑިއާ އެކްޓިވިސްޓް ތޮއްޔިބު ޝަހީމް ފުލުހަށް ހާޒިރު ކުރީ ކޮށްފައިވާ ޓްވީޓަކާ ގުޅިގެން ކަމަށް އޭނާ ބުނެފިވެ.
ތޮއްޔިބު ބުނީ އޭނާ ފުލުހުންގެ އިދާރާއަށް ހާޒިރު ކުރީ ޔާމީން ރަޝީދުގެ މަރުގެ ހާދިސާއާ ގުޅިގެން ކޮށްފައިވާ ޓްވީޓަކާ ބެހޭ ގޮތުން ސުވާލުކުރުމަށް ކަމަށެވެ. އެހެން ނަމަވެސް އޭގެ ތަފްސީލެއް ތޮއްޔިބު ނުދެއެވެ.. ފުލުހުންގެ އިދާރާއަށް ހާޒިރުކޮށްފައިވަނީ މިއަދު 11:45 ގައެވެ.
ޕޮލިހަށް ހާޒިރުކުރުމަށްފަހު އެމައްސަލަ އިތުރަށް ދެން ކުރިއަށް ނުގެންދަން ނިންމާފައިވާ ކަމަށް ފުލުހުން ބުނެފައިވާ ކަމަށް ތޮއްޔިބު ބުންޏެވެ.
މީގެ ކުރިން ވެސް ތޮއްޔިބު ވަނީފުލުހުންގެ އިދާރާއަށް ހާޒިރުކޮށްފައެވެ. އަދި ޖަލުގައި ބަންދު ކޮށްފައެވެ.އެންމެ ފަހުން އޭނާ ހައްޔަރުކޮށްފައި ވަނީ އެޗްވަންއެންވަން ވައިރަސްއާ ގުޅޭ ގޮތުން ރައްޔިތުންގެ ހިތްތަކުގައި ބިރުވެރިކަން އުފެދޭ ގޮތަށް ވާހަކަ ދައްކާ ކަމަށް ބުނެ މިއަހަރުގެ މާޗް މަހުގެ 16 ވަނަ ދުވަހުއެވެ. އެފަހަރު އޭނާ ދޫކޮށްލާފައިވަނީ ޖަލުގައި 31 ދުވަހުގެ ބަންދަކަށް ފަހުއެވެ.
ތޮިއްޔިބު ގެންދަނީ ސޯޝާލް މީޑިއާގައި ސަރުކާރުގެ ވަރަށް ގިނަ ކަންކަން ފަޅާއަރުވަމުންނެވެ.
