ބޮލީވުޑްގެ މަޝްހޫރު ދެތަރިން ކަމަށްވާ ރަމްބީރު ކަޕޫރާއި ކެޓްރީނާ ކައިފް އެކުގައި ފެނިގެންދާ "ޖައްގާ ޖާސޫސް"ގައި ހިމެނޭ 29 ލަވައިގެ ތެރެއިން ހިމެނޭ އެއް ލަވަ ކަމަށްވާ "ޕިރްވަހީ" ރިލީޒްކޮށްފިއެވެ.
"ޕިރްވަހީ" އަކީ ތަފާތު ލަވައެއް ކަމަށް ލަވަ ބެލި މީހުން ވަނީ ބުނެފައެވެ. މިއީ "ޖައްގާ ޖާސޫސް"އިން މިހާތަނަށް ނިކުތް ހަތަރު ވަނަ ލަވައެވެ.
އަންގާރަ ދުވަހު މި ލަވަ ރިލީޒްކޮށްފައިވާއިރު ފިލްމު ސިނަމާތަކަށް އަންނާނީ މިމހުގެ 14 ވަނަ ދުވަހުގައެވެ.
މި ފިލްމަކީ ރަންބީރާއި ކެޓރީނާ ހަ އަހަރު ވަންދެން ލޯބީގެ ގޮތުން ގުޅިގެން އުޅުމަށްފަހު ރުޅިވި ފަހުން ރިލީޒްވާ އެ ދެ ތަރިންގެ ފުރަތަމަ ފިލްމެވެ.އަނޫރާގް ބާސޫ ޑައިރެކްޓ ކުރާ މިފލްމްގައި ޖުމްލަ 29 ލަވަ ހިމެނޭ އިރުމި ފިލްމަށް މިއުޒިކް ތައްޔާރުކޮށްދެނީ އޭނާގެ މަޝްހޫރު އުފެއްދުމެއް ކަމަށްވާ "ބަރްފީ"ގެ ރީތި މިއުޒިކް ތައްޔާރުކޮށްދިން މަޝްހޫރު ކޮމްޕޯސަރ ޕްރިތަމް ޗަކްރަބަތީއެވެ.
"ޖައްގާ ޖާސޫސް" ގެ ޝޫޓިންގެ ބޮޑުބައި މީގެ އަހަރުތަކެއް ކުރިން ވަނީ ނިމިފައެވެ. އަދި ޝޫޓިން ވެސް ނިމިފައިވާތާ ދުވަސްކޮޅެއްވަނީ ވެފައެވެ. އެންމް ފުރަތަމަ މި ފިލްމު ރިލީޒްކުރުމަށް ތައްޔާރުވީ އެޕްރީލްމަހުގެ ތެރޭގައެވެ. އެހެން ނަމަވެސްފިލްމު ކަނޑައެޅިފައިވާ ތާރީޚަށް ނުނިމި ލަސްވެގެން ދިޔައީ ތަފާތު އެކި ސަބަބުތަކާ ހުރެއެވެ.
މިފިލްމު ޕްރޮމޯޓް ކުރުމުގެ އެންމެ ފަހުގެ މަސައްކަތް ފަށާފައި ވަނީ ރަންބީރާއި ކެޓްރީނާއާ ދެމީހުން އެކީގައެވެ.
