ފީފާއިން ބާއްވާ ކްލަބް ވޯލްޑްކަޕް 32 ޓީމަށް ހެދުމުން ސްޕެނިޝް ފުޓްބޯޅަ ފެޑަރޭޝަނުން އެކަމާ ހިތްހަމަނުޖެހުން ފާޅުކޮށްފިއެވެ.

ދުނިޔޭގެ އެންމެ ބޮޑު އެއް ލީގު ކަމަށްވާ ސްޕެނިޝް ލީގުން ބުނީ, މިއީ އެއްވެސް ވަރަކަށް ގައުމުތަކާ މަޝްވަރާ ކުރުމެއްނެތި ނިންމާފައިވާ ނިންމުމެއް ކަމަށެވެ.

އެ ޖަމާއަތުން 2025 ވަނަ އަހަރުން ފެށިގެން އަމަލުކުރަން, ދުނިޔޭގެ ފުޓްބޯޅަ ޖަމްއިއްޔާގެ މި ނިންމުމުގެ ސަބަބުން އިތުރުވާނީ ހަމައެކަނި މެޗުތަކެއް ކަމަށެވެ. މިކަމުގެ ސަބަބުން އުނދަގޫވާނީ ގައުމުތަކުގެ ލީގުތަކަށް ކަމަށާއި، ކުޅެންޖެހޭ މެޗުތައް އިތުރުވުމަކީ މުބާރާތެއްގެ ފޯރި ގަދަވާނެ ކަމެއްނޫން ކަމަށެވެ. ސްޕެނިޝް ލީގުން ބުނީ ފީފާގެ މި ނިންމުމުގެ ސަބަބުން ގައުމުތަކުގެ ލީގަށް އިގްތިސާދީ ގޮތުން ހީނަރުކަން އަންނާނެ ކަމަށެވެ.

ކްލަބް ވޯލްޑްކަޕް 32 ޓީމަށް ހަދާފައިވާއިރު، މިމުބާރާތް މިހާރު ބާއްވަމުން އަންނަނީ އެންމެ ކާމިޔާބު ކުލަބުތަކަކީ ސްޕޭނުގެ ގަދަ ދެ ބާރު ކަމަށްވާ ރެއާލް މެޑްރިޑާއި ބާސެލޯނާއެވެ.

ފީފާއިން ވަނީ 2026 ވަނަ އަހަރުން ފެށިގެން ވޯލްޑްކަޕުގައި ވެސް 48 ގައުމު ބައިވެރިކުރަން ނިންމާފައެވެ. މި ބަދަލުތަކަކީ ތިންވަނަ ދައުރަކަށް މިއަދު އިންތިޚާބުވި ފީފާގެ ރައީސް ޖިއާނީ އިންފަންޓީނޯގެ ވައުދުތަކެކެވެ.