ފެނަކަ ކޯޕަރޭޝަންގެ ހިރިލަންދޫ އައު އޮފީސް އިމާރާތް ރަސްމީކޮށް ހުޅުވައިފިއެވެ.
މި އޮފީސް ރަސްމީކޮށް ހުޅުވައިދެއްވީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހެވެ. މި ރަސްމިއްޔާތުގައި އެމަނިކުފާނުގެ އަރިހުގައި ފެނަކަ ކޯޕަރޭޝަންގެ މެނޭޖިންގ ޑިރެކްޓަރ އަހުމަދު ސައީދު މުހައްމަދާއި ދައުލަތުގެ ބައެއް އިސްވެރިން ބައިވެރިވެވަޑައިގެންނެވިއެވެ.
Advertisement
ފެނަކައިން ހިރިލަންދޫގައި ގާއިމްކުރި އައު އޮފީހާއެކު އެ ކުންފުނިން ހިރިލަންދޫގައި ދެމުން އަންނަ ހިދުމަތްތަކަށް ލުއިތަކެއް ލިބިގެންދާނެއެވެ. އެގޮތުން ކަސްޓަމަރުންނަށް ދެމުން އަންނަ ހިދުމަތްތައް އިތުރަށް ފަސޭހަވެގެންދާނެއެވެ.
މި އޮފީހަކީ އައިއޯއެސްގެ ސްޓޭންޑަޑަށް ހަދާފައިވާ އިމާރާތެކެވެ. މި އޮފީހުގައި ފަސޭހަކަމާއެކު 30 މުވައްޒަފުންނަށް މަސައްކަތް ކުރެވޭނެއެވެ.
