ދިވެހި ސަރުކާރާއި ޔުނިސެފް ގުޅިގެން އަޕްޝިފްޓް، ލޯންޗްކޮށްފިއެވެ.

އަޕްޝިފްޓް ޕްރޮގްރާމް ލޯންޗްކޮށްފައިވަނީ އެޑިއުކޭޝަން މިނިސްޓްރީ އިން އިސްނަގައިގެންނެވެ. އަޕްޝިފްޓް އިފްތިތާހުކޮށްދެއްވީ ނައިބްރައީސް ފައިސަލް ނަސީމެވެ.

ޔުނިސެފްގެ ރީޖަނަލް ޑިރެކްޓަރ ފޮރ ސައުތު އޭޝިއާ ޖޯޖް ލާރިޔާ-އަދްޖޭ އާއި މިނިސްޓަރ އޮފް އެޑިއުކޭޝަން، ޑރ. އައިޝަތު އަލީ ވެސް މި ރަސްމިއްޔާތުގައި ބައިވެރިވެ ވަޑައިގެންނެވިއެވެ.

އަޕްޝިފްޓް ޔުނިސެފްގެ ގްލޯބަލް އިނޮވޭޝަން ޕްރޮގްރާމަކީ 45ށް ވުރެ ގިނަ ގައުމުގައި ކުރިއަށް ގެންދާ ޕްރޮގްރާމެކެވެ. މި ޕްރޮގްރާމުގެ ތެރެއިން ދުނިޔޭގެ ފެންވަރުގައި ޒުވާނުންނަށް ދިރިއުޅުމާއި ދިރިއުޅުމަށް ބޭނުންވާ ޓްރާންސްފާ ކުރެވޭ ހުނަރުތައް ފޯރުކޮށްދެވެނެއެވެ.

މި ޕްރޮގްރާމުގެ ތެރެއިން ޒުވާނުންނަށް ޤާބިލުކަން ހޯދައި، މުޖްތަމައުގެ ތެރޭގައި ހެޔޮ ބަދަލު ގެންނާނެ މީހުންގެ ގޮތުގައި ހެދިގެންދާނެއެވެ. އަޕްޝިފްޓް ޕްރޮގްރާމުގެ ތެރެއިން ރާއްޖޭގެ ގައުމީ މަންހަޖުގައި ތަންފީޒުކޮށް، ދަރިވަރުންނަށް އީޖާދީ، ވިޔަފާރި، ކަންކަމުގައި ބައިވެރިވުމާއި އަދި މަސައްކަތު މާހައުލަށް ނުކުތުމުގެ ކުރިން ހުނަރު ދަސްކޮށްދެވިގެންދާނެއެވެ.

ރާއްޖޭގެ 48 ސްކޫލެއްގެ ގްރޭޑް 7 އަދި 8ގެ ދަރިވަރުން އަޕްޝިފްޓް ޕްރޮގްރާމުގެ ޕައިލެޓް ޕްރޮގްރާމުގައި ބައިވެރިކުރެވޭނެއެވެ.

ދުނިޔޭގެ ފެންވަރުގައި ޔޫޕްޝިފްޓް އެކުލެވޭ ވަކިވަކި، އަދި ގުޅިފައިވާ ހަތަރު ކޮމްޕޯނެންޓުގެ ތެރޭގައި ހިމެނެނީ:

ހުނަރު-ތަރައްގީކުރުން:މައްސަލަ ހައްލުކުރުމާއި، ކްރިޓިކަލް ތިންކިންގ، އުފެއްދުންތެރިކަމާއި، އެއްބާރުލުން ދިނުމާއި، މުވާސަލާތުކުރުމާއި، ލީޑަރޝިޕްގެ ހުނަރު ތަރައްގީކުރުން

ސިވިކް އެންގޭޖްމަންޓް: މާނަހުރި ގޮތެއްގައި ފުރާވަރުގެ ކުދިންނާއި ޒުވާނުން އެމީހުންގެ މުޖްތަމައުތަކުގައި ބައިވެރިވުން

ވިޔަފާރިވެރިކަން:ފުރާވަރުގެ ކުދިން ހިއްވަރުދީ، ހުނަރުވެރިކަމާއި ވިސްނުމުގެ ތެރެއިން ޒުވާނުންނަށް މައްސަލަތައް ހައްލުކޮށް، ދިރިހުރެވޭނެ އަދި ދެމެހެއްޓެނިވި ހައްލެއް ހޯދައިދިނުން

ބާރުވެރިކުރުން:ފުރާވަރުގެ ކުދިންނާއި ޒުވާނުންގެ މެދުގައި އިތުބާރާއި، ކެތްތެރިކަމާއި، އެޖެންސީގެ އިޙްސާސް ބިނާކުރުން

ޔޫޕްޝިފްޓުން ރާއްޖޭގައި ކުރިއަށްގެންދާނީ ޑިޖިޓަލް ޕްލެޓްފޯމެއް ކަމަށްވާ ޔުނިސޮލްވް މެދުވެރިކޮށެވެ. އިންކުއި ލެބްގެ އެހީތެރިކަމާއެކު، ސްކޫލް ބިނާކޮށް، މުދައްރިސުންނަށް ފަސޭހަކޮށްދޭ، ބްލެންޑެޑް ޑެލިވަރީ މޮޑެލްއެއްގެ ތެރެއިން މިހާރު ހުރި އަޕްޝިފްޓް މަންހަޖުތައް ބަދަލުކުރުން ހިމެނެއެވެ. ދުރުރާސްތާ އުނގެނުމުގެ ފުރުސަތުތަކާއި ފޭސް ޓު ފޭސް ހަރަކާތްތައް ގުޅިގެން، ވިސްނުމާއި ޒުވާނުންގެ މެދުގައި 21 ވަނަ ގަރުނުގެ ޓްރާންސްފާ، ނުވަތަ ނަގުލު ކުރެވޭ ހުނަރުތައް ތަރައްގީ ކުރުމަށް މަގުފަހިކޮށްދެވޭނެއެވެ.

މި ރަސްމިއްޔާތުގައި ވާހަކަ ދައްކަވަމުން މިނިސްޓަރ އޮފް އެޑިއުކޭޝަން، ޑރ. އައިޝަތު އަލީ ވިދާޅުވީ ރާއްޖޭގެ އެޑިއުކޭޝަން ޕޮލިސީއަކީ ދިރިއުޅުމަށް ތައްޔާރުކޮށްދޭ ވަށާޖެހޭ ތައުލީމެއް ލިބިފައިވާ ކުދިން ތައްޔާރުކުރެއްވުން ކަމަށެވެ. އަދި އަޕްޝިފްޓް އިން ފޯރުކޮށްދެނީ އެކަމަށް ބޭނުންވާ ވަސީލަތްތައް ކަމަށެވެ.

މި ޕައިލެޓް ޕްރޮގްރާމަށްފަހު، ޔުނިސެފުން މަސައްކަތް ކުރަނީ ހުރިހާ ސްޓޭކްހޯލްޑަރުންނާއެކު އަޕްޝިފްޓް އިން އިތުރު ޒުވާނުންނާ ހަމައަށް ވާސިލްވެ، ހުނަރާއި ޖާގަ އަދި ފުރުސަތުތައް ހޯދުމަށް އެހީތެރިވެދިނުމަށް ކަމަށެވެ.