މިއަހަރުގެ ޝަހީދުންގެ ދުވަހުގެ ރަސްމީ ޖަލްސާ ބ.ތުޅާދޫގައި ބާއްވައިފިއެވެ.
ޖަލްސާ ޝަރަފްވެރިކޮށްދެއްވީ މިނިސްޓަރ އޮފް ފޮރިން އެފެއަރޒް އަދި ނިޝާން ޢިއްޒުއްދީންގެ ޢިއްޒަތުގެ ވެރިޔާ ޢަބްދުالله ޝާހިދުއެވެ.
ޖަލްސާގައި މަރުހަބާ ދެންނެވުމުގެ ގޮތުން ވާހަކަދައްކަވަމުން މިނިސްޓަރ އޮފް ސްޓޭޓް ފޮރ ހޯމް އެފެއަރޒް މުޙައްމަދު މާހިރު އީސާ ވިދާޅުވީ ޤާއުމަށް ފައިދާހުރީ ޤައުމު އާރާސްތުކުރުމުގެ ކޮންމެ ކަމެއްގައި ހުރިހާ އެންމެންވެސް އެކުވެ, އެކަތިގަނޑަކަށްވުމުން ކަމަށެވެ. ވަކިވަކިވެ ދެބަސްނުވުމަށް އިލްތިމާސްކުރައްވަމުން އޭނާ ވިދާޅުވީ ވަކިވަކިވެ ދެކޮޅުވެރިވުމުގައި އޮތީ ގެއްލުމާއި ހަލާކު ކަމަށެވެ.
ޝަހީދުންގެ ދުވަހުގެ ޖަލްސާގައި އަލިރަސްގެފާނުގެ މަތިވެރި ޖިހާދު ދައްކުވައިދޭ ފުރިހަމަ ތަމްސީލެއް ތުޅާދޫ ސްކޫލްގެ ދަރިވަރުން ހުށަހަޅައިދިނެވެ. އަދި ޝަހީދު ކޯޕްރަލް ހުސައިން މުހަންމަދުގެ ޖިހާދާ ގުޅޭގޮތުން ވެސް ވަނީ ޕްރެޒެންޓޭޝަނެއް ހުށަހަޅައިދީފައެވެ.
ދުވަހާ ގުޅިގެން ތުޅާދޫ ސްކޫލްގެ ދަރިވަރުންގެ މެދުގައި ބޭއްވި ކުރެހުމުގެ މުބާރާތުން ވަނަތައް ހޯދި ދަރިވަރުންނަށް އިނާމް ވެސް ވަނީ ދީފައެވެ.
