އިސްރާއިލުން ދިމިޝްގަށް ދިން މިސައިލް ހަމަލާއެއްގައި ފަސް މީހުން މަރުވެފައިވާކަމަށް ރޮއިޓަރސްއިން ރިޕޯޓުކޮށްފިއެވެ.
މިހަމަލާ ދީފައި ވަނީ އާދިއްތަ ދުވަހުއެވެ. މިހަމަލާ އަމާޒުވެފައި ވަނީ މެދުތެރޭ ދިމިޝްގަށެވެ.
ރިޕޯޓުތައް ބުނާގޮތުން، ހަމަލާ އަމާޒުވެފައި ވަނީ ސަލާމަތީ ފިޔަވަޅުތައް ވަރުގަދަ ސެކިއުރިޓީ ކޮމްޕްލެކްސްއަކަށެވެ.
މިހަމާލާގައި އެއިމާރާތުގެ އިތުރުން، އެހެން އިމާރާތްތަކަށްވެސް ގެއްލުންވެފައިވާކަމަށް ރިޕޯޓުތައް ބުނެއެވެ.
ރޮއިޓަރސްއިން ރިޕޯޓުކޮށްފައިވާ ގޮތުން މި ހަމަލާގެ ސަބަބުން ގިނަ އަދަދެއްގެ ބަޔަކަށް ވަނީ އަނިޔާވެސް ވެފައެވެ.
މިކަމުގައި އިސްރާއިލްގެ ބަހެއް އަދި ލިބިފައި ނުވާކަމަށް ރޮއިޓަރސްއިން ބުނެއެވެ.
