ވޯޓް ފޮއްޓަށް ގެއްލުން ދިން މައްސަލައަކާ ގުޅިގެން ތިން މީހުން ފުލުހުންގެ ބެލުމުގެ ދަށަށް ގެނެސްފިއެވެ.
ފުލުހުން ބުނީ ވޯޓް ފޮއްޓަށް ގެއްލުން ދިން މައްސަލައަކާ ގުޅިގެން ގދ. ރަތަފަންދޫއިން ދެ މީހުންނާއި ގދ. ތިނަދޫއިން މީހަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.
Advertisement
ގދ. ތިނަދޫ އަބޫބަކުރު ސްކޫލްގައި ބަހައްޓާފައި ހުރި ވޯޓް ފޮށި ފަޅާލައި އޭގެ ތެރޭގައި ހުރި ވޯޓް ހަރުދާސްތައް އާންމުން ނަގާފައިވާއިރު، އެގޮތަށް ކަންތައްކުރީ މީހަކު ވޯޓްލުމަށް ފޯނު ހިފައިގެން ވަތް ކަމަށް ބުނެއެވެ.
ފުލުހުން މިހެން ބުނެފައިވާއިރު، ގދ. ގައްދޫގައި ހުރި ވޯޓް ފޮއްޓެއްގައިވެސް ވަނީ މައްސަލަ ޖެހިފައެވެ. "ރާއްޖެ އެމްވީ"އަށް މައުލޫމާތު ލިބިފައިވާގޮތުގައި އެ ސަރަހައްދުގައި ބޮޑީ ކެމެރާ ހަރުކޮށްގެން މީހަކު ވޯޓު ލީކަމަށް ބުނެ ވަނީ ހަމަނުޖެހުން ހިންގާފައެވެ.
