އިންޑޮނޭޝިއާގެ އިރުއުތުރު ސަރަހައްދެއްކަމުގައިވާ ޓަނިންބަރ އައިލެންޑްސް އައި ބިންހެލުމުގެ އަސަރު ރާއްޖެއަށް ކުރާނެ ކަމަށް ނުބެލެވޭ ކަމަށް މޫސުމާއި ބެހޭ ޤައުމީ އިދާރާ އިން ބުނެފިއެވެ.

މޫސުމާއި ބެހޭ ޤައުމީ އިދާރާ އިން ބުނީ މި ބިންހެލުން އިންޑޮނޭޝިއާއަށް އައިސްފައިވަނީ ހޯމަ ދުވަހުގެ ރޭ، ރާއްޖެ ގަޑިން 22:47 ކަމަށެވެ. އަދި މިއީ މާލެއާ 6418 ކިލޯ މީޓަރު ދުރުގައިވާ ސަރަހައްދެއް ކަމަށް ވެސް ވަނީ ފާހަގަކޮށްފައެވެ.

ބޭރުގެ ބައެއް މީޑިއާތަކުގައި ރިޕޯޓްކޮށްފައިވާގޮތުގައި 7.7 މެގްނިޓިއުޑްގެ މި ބިންހެލުމުގެ އަސަރު އޮސްޓްރޭލިއާ ހަމައަށް ކޮށްފައިވެއެވެ.

އިންޑޮނޭޝިއާގެ ސަރަހައްދީ މޫސުމީ އިދާރާ، ބީކޭއެމްޖީން ވަނީ އެ ގައުމުގެ އެ ސަރަހައްދަށް ސުނާމީއެއްގެ އިންޒާރު ދީ އެ އިންޒާރު އަދި ދަމަހައްޓާފައެވެ.