އާދީއްތަ ދުވަހުގެރޭ ތޫނުއެއްޗަކުން ހަމަލާދީ ޒަހަމްވި ޒުވާނާއަށް އަދިވެސް އަންނަނީ އޭޑީކޭ ހޮސްޕިޓަލުން ފަރުވާދެމުން ކަމަށް ފުލުހުން ބުނެފިއެވެ.
ތޫނުއެއްޗަކުން ހަމަލާދީ ޒަހަމްކޮށްލާފައި ވަނީ އުމުރުން 26 އަހަރުގެ ޒުވާނެކެއެވެ. އޭނާގެ ބުރަކައްޓަށް ދެ އިންޗި ފުންމިނުގައި ވަޅިއެއް ޖަހައި، ޒަހަމް ކޮށްލާފައިވާ ކަމަށް ފުލުހުން ބުންޏެއެވެ.
ފުލުހުން ބުނީ މި މައްސަލަ ތަޙްގީގް ކުރަމުންދާ ކަމަށެވެ. މި މައްސަލާގައި މީހަކު ހައްޔަރުކޮށްފައިވާ ކަމެއް ނުވަތަ ނޫން ކަމެއް ފުލުހުން ހާމަކޮށްފައެއް ނުވެއެވެ.
