ގަތަރުގައި މި މަހުގެ 20 ވަނަ ދުވަހު ފަށާ ފީފާ ވޯލްޑް ކަޕް މުބާރާތަކީ މިހާތަނަށް ބާއްވާނެ އެންމެ ތަފާތު އެއް މުބާރާތެވެ.
އެތައް ގޮތަކުންނެވެ. މިއީ އަރަބި އިސްލާމީ ގައުމެއްގައި މި ޝަރަފުވެރި މުބާރާތް ބާއްވާ ފުރަތަމަ ފަހަރެވެ. އަދި މިއީ އާންމުކޮށް މުބާރާތް އޮންނަ ދުވަސްވަރު ނޫން އެހެން ދުވަސްވަރެއްގައި މުބާރާތް ބާއްވާނެ ފުރަތަމަ ފަހަރެވެ. މީގެ ކުރިން, އަހަރުގެ މެދުތެރޭގައި މުބާރާތް ބާއްވަމުން އައިނަމަވެސް، އެ ދުވަސްވަރަކީ ގަތަރަށް ހޫނުގަދަ ދުވަސްވަރަކަށް ވުމުން މުބާރާތް އަހަރުގެ މެދުތެރެއަށް ބަދަލުކުރީއެވެ.
އަހަރުގެ އެހެން ދުވަސްވަރަށްވުރެ އެ ދުވަސްވަރު ގަތަރަށް ފިނިވާނެއެވެ. ނަމަވެސް، އެ ދުވަސްވަރުވެސް ހޫނުގެ އަސަރުކޮށް، ކުޅުންތެރިންނަށް އުނދަގޫ ވެދާނެތީ ގަތަރުން ވަނީ އެކަމަށްވެސް ހައްލު ގެނެސްފައެވެ. މުބާރާތް ބާއްވާ ސްޓޭޑިއަމްތަކަކީ ފިނިވާ ގޮތަށް ތައްޔާރުކޮށްފައިވާ ސްޓޭޑިއަމްތެކެވެ. ހޫނު ގައުމެއް ފިނިކޮށް، މުބާރާތް ބާއްވަން ނިންމައި، ގަތަރުން ދެއްކީ ޓެކްނޮލޮޖީގައި އެމީހުން ކުރިއަރާފައިވާ މިންވަރެވެ.
ދެންވެސް އޮތީ ހަމަ އެފަދަ ކަމެކެވެ، މިއަހަރުގެ މުބާރާތް ތަފާތުވާނެ މުޅިން އެހެން ސަބަބެކެވެ. މިއަހަރުގެ މުބާރާތަކީ ގިނަ ޓީމުތަކެއް އެއް ސަރަހައްދެއްގައި ތިބޭނެ ފުރަތަމަ މުބާރާތެވެ. މުބާރާތުގައި ވާދަކުރާ 32 ގައުމުގެ ތެރެއިން 24 ގައުމު ތިބޭނީ އެއް ސަރަހެއްދަގެ ހޮޓަލުގައެވެ. ޓީމުތަކަށް ފަސޭހަވާނެ ގޮތަށް، އެންމެ ފުރިހަމަ އިންތިޒާމުތައް އެ ހޮޓަލުން ލިބޭނެކަމަށް ގަތަރުން ވަނީ ބުނެފައެވެ. އެކަން ފެއިލްނުވެ ކުރިއަށްދާނެ ކަމުގެ ޔަގީންކަން އެ ގައުމުންދެއެވެ. އެ ތަންތަނުގައި ޓީމުތަކަށް ބޭނުންކުރެވޭނެގޮތަށް ޖިމާއި، ޕޫލާއި، މަސާޖް ރޫމްތަކުގެ އިތުރުން، މުހިއްމު ހުރިހާ ޚިދުމަތްތައް ލިބޭނެއެވެ.
މިއީ ގަތަރުން މުބާރާތަށް މުޅިން އަލަށް ގެނައި ބަދަލެކެވެ. މިއީ ކުރީގެ މުބާރާތެއްގައި ކޮށްފައިނުވާ، ބޮޑު ޗެލެންޖެކެވެ. ގަތަރުގައި މުބާރާތް ބާއްވާ ކޮމެޓީގެ އިސް އޮފިޝަލަކު ވިދާޅުވީ، އެ މީހުން ބޭނުންވަނީ ތަފާތު އައު ކަންތައްތަކާއެކު، މުބާރާތް ކާމިޔާބުކަމާއެކު ބާއްވަން ކަމަށެވެ. އެކަންކަމަކީ ސީރިއަސްކޮށް ނަގާ ކަންތައްކަމަށް ފާހަގަކުރައްވައި އޭނާ ވިދާޅުވީ، އެމީހުންގެ ވިސްނުމަކީ ޗެލެންޖު ނަގައި، އެއަށް މަސައްކަތްކުރުންކަމަށެވެ.
މީގެ އިތުރުން ޓީމުތަކުގެ ޓްރެއިނިންގ ބޭހަށް ދިޔުމަށް ހޭދަވާނީ ފަސް ވަރަކަށް މިނެޓެވެ. މިވެސް ގަތަރުން ޓީމުތަކަށް ލުއި ފަސޭހަ ގޮތްތަކެއް ހަމަޖައްސައިދިނުމަށް ނިންމި ނިންމުމެކެވެ.
މުބާރާތުގައި ވާދަކުރާ ޓީމްތަކުން އެޓީމް ކުޅޭ ފުރަތަމަ މެޗުގެ ފަސް ދުވަސް ކުރިން ހޮޓަލަށް ދާނެއެވެ.
