އިނގިރޭސި ޕްރިމިއަރ ލީގުގައި އާސެނަލްއާއި ސައުތެމްޕްޓަން ބައްދަލުކުރި މެޗު އެއްވަރުވެއްޖެއެވެ.

އާދީއްތަ ދުވަހުގެރޭ ސައުތެމްޕްޓަންގެ ދަނޑުގައި ކުޅުނު މި މެޗު ނިމުނީ 1-1ން އެއްވަރުވެގެންނެވެ. މެޗުގައި ފުރަތަމަ ލަނޑުޖަހައި ލީޑު ނެގީ އާސެނަލްއެވެ. ފުރަތަމަ ހާފުގެ 11 ވަނަ މިނެޓުގައި އާސެނަލްއަށް ލީޑު ނަގައިދިނީ ގްރަނިޓް ޝާކާއެވެ. ސައުތެމްޕްޓަންގެ ލަނޑު ދެވަނަ ހާފުގެ 65 ވަނަ މިނެޓުގައި ޖަހައިދިނީ ސްޓުއާޓް އާމްސްޓްރޯންގްއެވެ.

މެޗުން މޮޅުނުވިނަމަވެސް އާސެނަލް އޮތީ ތާވަލުގެ އެއްވަނާގައެވެ. އެއީ 11 މެޗުން ލިބުނު 28 ޕޮއިންޓާއެކުއެވެ. ދެވަނާގައި އޮތް މެންޗެސްޓަރ ސިޓީއަށް 11 މެޗުން ލިބެނީ 26 ޕޮއިންޓެވެ.

ޕްރިމިއަރ ލީގުގައި އާދީއްތަ ދުވަހުގެރޭ ކުޅުނު އެހެން މެޗުތަކަށް ބަލާއިރު ލީޑްްސް ޔުނައިޓެޑް އަތުން ފުލަމް މޮޅުވީ 3-2ންނެވެ. ވުލްވްސްގެ މައްޗަށް ލެސްޓަރ ސިޓީ ކުރިހޯދީ 4-0ންނެވެ.