އުދަ އަރާނެކަމަށް ލަފާކޮށް މުޅި ރާއްޖެއަށް ވައިޓް އެލާޓް ނެރެފިއެވެ.
މޫސުމާއި ބެހޭ ގައުމީ އިދާރާއިން ބުނީ ބުދަ ދުވަހުގެ ރޭ މެންދަމު 3:15ން ފެށިގެން ބުރާސްފަތި ދުވަހުގެ ހެނދުނު 7:15ށް މުޅި ރާއްޖެއަށް ވައިޓް އެލާޓް ނެރޭކަމަށެވެ.
މީގެއިތުރުން މެޓް އޮފީހުން ވަނީ ބުރާސްފަތި ދުވަހުގެ ހެނދުނު 6:30 އާ ހަމައަށް ރާއްޖެއަށް ބޯކޮށް ވާރޭވެހުމާއެކު ގުގުރާނެކަމަށް ލަފާކޮށްވެސް މުޅި ރާއްޖެއަށް ވައިޓް އެލާޓް ނެރެފައެވެ. މެޓް އޮފީހުން ބުނީ ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށެވެ.
