ލަންޑަނުގައި ހުރި މިސްކިތެއް ކައިރީ މީހުން ގިނަވި ވަގުތު ވޭނެއްގައި މީހުން ގައިގައި ޖައްސައިފި އެވެ.
ސޯޝަލް މީޑިއާގައި ދައުރުވަމުންދާ ފޮޓޯތައް އަދި ވީޑިއޯތަކަށް ބަލާއިރު ހަމަލާ ދީފައިވަނީ ހުދުކުލައިގެ ވޭނަކުންނެވެ. ރިޕޯޓްތައް ބުނާ ގޮތުން ހަމަލާދިން ޑްރައިވަރު ފުލުހުން މިހާރު ވަނީ ހައްޔަރުކޮށްފައެވެ. އޭނާގެ ހައްޔަރުކުރި ވީޑިއޯ އަދި ފޮޓޯތައް ސޯޝަލް މީޑިއާގައި ދަނީ ދައުރުވަމުންނެވެ.
We have a number of ambulance crews & specialist teams on scene at the incident on #SevenSisters Road #FinsburyPark https://t.co/oL75V7ZUWD pic.twitter.com/4SHEhzx3tr
— London Ambulance (@Ldn_Ambulance) June 19, 2017
މި ހަމަލާގައި އެތައް ބަޔަކު ޒަހަމްވެފައިވާއިރު، ސަލާމަތީކަންކަން ބެލެހެއްޓުމަށް ގިނަ އަދަދެއްގެ ފުލުހުންދަނީ ހަރަކާތްތެރިވަމުންނެވެ. އަދި މިސްކިތް ހުންނަ ސަރަހައްދު ބަންދުކޮށްފައިވާއިރު، ގިނަ އަދަދެއްގެ އެމްބިއުލާންސްތައްވެސް ވަނީ އެ ސަރަހައްދުގައި ހަރަކާތްތެރިވަމުންނެވެ.
ރޯދަމަހާ އަމާޒުކޮށް ގިނަ އަދަދެއްގެ މުސްލިމުން އެއްވާ ސަރަހައްދަކަށް ހަމަލާދީފައިވާއިރު، މިއީ ސީދާ މުސްލިމުންނަށް އަމާޒުކޮށް ދިން ހަމަލާއެއްކަމެއް އަދި ފުލުހުން ހާމައެއް ނުކުރެއެވެ. އަދި މި ހަމަލާގެ ޒިންމާ އެއްވެސް ފަރާތަކުން އުފުލާފައެއްވެސް ނުވެއެވެ. މިއީ ޓެރަރިސްޓް ހަމަލާއެއް ކަމަށް ބެލެވެ އެވެ.
[video] Suspect London #SevenSisters Road incident in #FinsburyPark being arrested pic.twitter.com/yrGnTiJbO4
— Roeland Roovers (@r0eland) June 19, 2017
