ފަންސާސް އަށް މީހުން އަދިވެސް ނުފެންނަ ކަމަށާއި ބެލެވޭގޮތުގައި އިމާރާތުގެ ތެރޭގައި މަރުވެފައި ވާކަމަށް ގްރިންފެލް ޓަވަރުގެ ހާދިސާގެ އިންވެސްޓިގޭޝަން އޮފިސަރު ވިދާޅުވެއްޖެއެވެ.

ގްރިންފެލްޓަވަރުގައި މިދިޔަ ބުދަ ދުވަހުގައި ހިނގި އަލިފާނުގެ ހާދިސާގައި އެއިމާރާތް ވަނީ އެއްކޮށް އަނދާފައެވެ.

މެޓްރޮޕޮލިޓިޝަން ޕޮލިސްކޮމާންޑާ ސްޓްއާޓް ކަންޑީ ވިދާޅުވީ 58 މީހުން ގެއްލިފައިވާކަމަށް ރިޕޯޓްކޮށްފައިވާ ކަމަށާއި އެހެން ނަމަވެސް އެމީހުން ފެނުމުގެ އުއްމީދެއް ނެތްކަމަށެވެ. އެމީހުން ފެނުމުގެ އުއްމީދެއް ނެތްއިރު އެމީހުން ގްރިންފެލްޓަވަރު ރޯވެގެން ދިޔައިރު މަރުވެފައިވާކަމަށް ޔަގީންކުރެވޭކަމަށް އޭނާ ވިދާޅުވިއެވެ.

ހޮނިހިރުދުވަހުގެ ހެދުނު އިނގިރޭސިވިލާތުގެ އެންއެޗްއެސްއިން ބުނެފައިވަނީ 19 މީހަކަށް އެ ހޮސްޕިޓަލުގައި ފަރުވާދެމެނުންދާކަމަށާއި 10 މީހުން އޮތީ ކްރިޓިކަލް ހާލަތުގައި ކަމަށެވެ.

މިހާތަނަށް 34 މީހުން މަރުވެފައިވާ ކަމަށް އޮފިޝަލުން ކަށަވަރުކޮށްދެއެވެ. 

އަލިފާނުގެ ހާދިސާ ކޮންޓްރޯލް ކުރުމަށް 24 ގަނޑިއިރަށް ވުރެ ގިނަ އިރު ވަނީ ހޭދަވެފައެވެ. 

ހަތާވީސް ބުރިއަށް ހަދާފައިވާ ގްރެންފެލް ޓަވަރުގައި 120 އެޕާޓްމްންޓް ހިމެނެއެވެ. އެ އިމާރާތް ހަދާފައިވަނީ  ވަނީ 1974 ވަނަ އަހަރު އެވެ.