މޮޅަކާއެކު އާސެނަލުން ޕްރިމިއަރ ލީގު ފަށައިފިއެވެ.
ލީގުގެ ފުރަތަމަ މެޗުގައި ހުކުރު ދުވަހުގެ ރޭ އާސެނަލް ވާދަކުރީ ކްރިސްޓަލް ޕެލެސްއާއެވެ. ކްރިސްޓަލް ޕެލެސްގެ ދަނޑުގައި ކުޅުނު މި މެޗު އާސެނަލުން ކާމިޔާބުކުރީ 2-0ންނެވެ.
އާސެނަލްގެ ފުރަތަމަ ލަނޑު މެޗުގެ 26 ވަނަ މިނެޓުގައި ޖެހީ ގަބްރިއެލް މާޓިނެލީއެވެ. އޭނާ މިލަނޑު ޖެހީ ޒިންޗެންކޯގެ އެހީތެރިކަމާއެކުއެވެ. އާސެނަލްގެ ފަހު ލަނޑަކީ މެޗުގެ 85 ވަނަ މިނެޓުގައި ކްރިސްޓަލް ޕެލެސްގެ މާކް ގޭހީގެ އަތުން ބައިކޮޅަށް ވަން ލަނޑެކެވެ.
ޓްރާންސްފަރ މާކެޓުގައި އާސެނަލުން ވަނީ ބޮޑު ހޭދަތަކެއްކޮށްގެން ކުޅުންތެރިންތަކެއް ހޯދާފައެވެ. އޭގެތެރޭގައި، މެންޗެސްޓަރ ސިޓީއަށް ކުޅެމުންއައި ގަބްރިއެލް ޖީސޫސްވެސް ހިމެނެއެވެ. ނިމުނު ސީޒަންގެ ގަދަ ހަތަރެއް ލައްވާނުލުމުން، މިފަހަރު އާސެނަލުން އަމާޒު ހިފާފައިވަނީ ލީގުގެ ގަދަ ހަތަރަކަށެވެ.
