ސައުދީ އަރަބިއްޔާގައި ފިތުރު އީދުގެ ޗުއްޓީ ފެށިއްޖެއެވެ. އީދުގެ އުފަލުގައި ރަސްގެފާނު ހަމަޖައްސަވައިދެއްވާ ޗުއްޓީ ފެށުނީ ރަމަޟާން މަހުގެ 20 ވީ ބުރާސްފަތި ދުވަހުއެވެ. ސައުދީގައި އީދު ޗުއްޓީ ފެށުނު އިރު ރޯދަ މަސް ނިމެން އަދި 9 ދުވަސް ނުވަތަ 10 ދުވަސް އެބައޮތެވެ.
މިހާ ދިގު މުއްދަތެއް ޗުއްޓީގެ ގޮތުގައި ހަމަޖެހިގެން ދިޔައީ ރައްޔިތުންގެ އުފަލާ ހިތްހަމަ ޖެހުން ހޯއްދަވައިދެއްވުމަށް ސައުދީ ރަސްގެފާނު ސަލްމާން ބިން އަބްދު އަޒީޒުގެ ހިތްޕުޅުގައި އޮތް ޝައުގުގެ ސަބަބުން ކަމަށް ސައުދީ ޕްރެސް އެޖެންސީން ނެރުނު ބަޔާނެއްގައި ބުނެފައި ވެއެވެ.
