ލޮސް އެންޖެލެސްއަށް ބަދަލުވީ ދިގު މުއްދަތަކަށް އެ ޓީމަށް ކުޅުމަށް ކަމަށް ގެރެތް ބޭލް ބުނެފިއެވެ.
ސްޕެއިންގެ ރެއާލް މެޑްރިޑުގައި ނުވަ އަހަރު ހޭދަކުރުމަށްފަހު އޭނާ ލޮސް އެންޖެލެސްއަށް ބަދަލުވީ ހިލޭ ޓްރާންސްފާއެއްގައެވެ.
ބޭލް ބުނީ އޭނާގެ ކެރިއަރުގައި ގިނަ ދުވަސްތަކެއް ކުރިއަށް އޮތް ކަމަށެވެ. އޭނާ ބުނީ އެ ޓީމަށް ބަދަލުވީ 6 މަސް ދުވަހަށް ނުވަތަ 12 ދުވަހަށް ނޫން ކަމަށެވެ. ބޭލް ފާހަގަކުރި ގޮތުގައި ލޮސް އެންޖެލެސްއަށް ބަދަލުވީ އައު ތަޖުރިބާއެއް ކުރުމާއެކު، ވީ އެންމެ ގިނަ ދުވަހަކު އެ ޓީމަށް ކުޅެން ކަމަށެވެ. މީގެ އިތުރުން އޭނާ ބުނީ ކުރިއަށް އޮތް ޔޫރޯ މުބާރާތަށް ނުވަތަ އެއަށްވުރެ ދުރަށް ދިޔުމަށް މިއީ ލިބުނު ރަނގަޅު ފުރުސަތެއް ކަމަށެވެ.
މީގެ ކުރިން ބޭލް ބުނީ އޭނާ ލޮސް އެންޖެލެސްއަށް ބަދަލުވާއެކު އޭނާއަށް ކިޔާފައިވަނީ ހޫނު މަރުހަބާއެއް ކަމަށެވެ. މީގެ އިތުރުން ބޭލް ބުނެފައިވަނީ އޭނާގެ ތަޖުރިބާގެ ބޭނުންކޮށް، ކްލަބުގައި އޮތް ޒުވާން ޓީމަށް އެހީވެދޭނެކަމަށާއި, ޓީމަށް ކާމިޔާބު ހޯދައިދޭން ކެތްމަދުވެފައި ހުރިކަމަށެވެ. އެމެރިކާ ލީގަކީ ކުރިއެރުން ހޯދަމުން އަންނަ ލީގެއްކަން ފާހަގަކޮށް ބޭލް ބުނީ އޭނާއަށާއި އާއިލާއަށް ލިބުނީ ރަނގަޅު ފުރުސަތެއް ކަމަށެވެ.
ބޭލް ވަނީ މިއަހަރު ޤަތަރުގައި އޮންނަ ވޯލްޑް ކަޕަށް ވޭލްސް ޓީމާއެކު ދަތުރުކޮށްފައެވެ.
