އަންގާރަ ދުވަހު ކުރިއަށްދިޔަ ޔޯގާ ހަރަކާތުގައި ހަމަނުޖެހުން އުފެއްދި މައްސަލައިގައި ޝައިޚް މުހައްމަދު ފަޒްލޫން ހައްޔަރުކޮށްފިއެވެ.
އޭނާ ހައްޔަރުކޮށްފައިވަނީ ބުދަ ދުވަހުގެ ރޭގެ ވަގުތެއްގައެވެ. އޭނާ ހައްޔަރުކޮށްފައިވަނީ، ގަލޮޅު ދަނޑުގައި ހިންގި ހަމަނުޖެހުންތަކާ ގުޅިގެން ފުލުހުން ހިންގާ އޮޕަރޭޝަނެއްގެ ދަށުން ކަމަށް މައުލޫމާތުލިބެއެވެ.
މި މައްސަލައިގައި އަންގާރަ ދުވަހު 6 މީހަކު ހައްޔަރުކުރިއިރު، ބުދަ ދުވަހު 3 މީހަކު ހައްޔަރުކޮށްފައިވާކަމަށް ފުލުުން ބުނެއެވެ. އަންގާރަ ދުވަހު ހައްޔަރު ކުރި މީހުންގެ ބަންދަށް މިހާރު ވަނީ މުއްދަތު ޖަހާފައެވެ.
މީގެ އިތުރުން އަންގާރަ ދުވަހުގެ ރޭގެ ވަގުތެއްގައި ފުލުހުންގެ އޮޕަރޭޝަނުގެ ތެރެއިން ޝެއިޚް އާދަމް ނިޝާންވެސް ވަނީ ހައްޔަރުކޮށްފައެވެ. އޭނާ ހައްޔަރުކުރީ އެފްޑަބްލިއު ރެޒިޑެންސް ކައިރިންނެވެ.
