މުސްލިމުންނާމެދު ރުޅި ވެރިކަން އުފެއްދުމުގެ ތުހުމަތުގައި ސްރީލަންކާގައި ފުރަތަމަ ފަހަރަށް މީހަކު ހައްޔަރު ކޮށްފިއެވެ.

ލަންކާގެ ފުލުހުން ހައްޔަރު ކުރި މީހަކީ ހައްދުފަހަނަ އަޅާފައިވާ ބުޑިސްޓް ޖަމާއަތަކަށް ނިސްބަތްވާ އެ ޖަމާއަތުގެ އިސް މީހެކެވެ.

ބޮޑު ބަލަ ސޭނާ (ބީބީއެސް) ނުވަތަ "ބުޑިސްޓް ފޯސް" ނަމަކަށް ކިޔާ މި ޖަމާއާތައް ނިސްބަތްވާ އުމުރުން 32 އަހަރުގެ މި މީހާއަކީ އިސްލާމުންނާ ދެކޮޅަށް ޖަރީމާ ހިންގަމުންދާ ކަމުގެ އެތައް ތުހުމަތެއް ކުރެވިފައިވާ މީހެކެވެ.

ފުލުހުންގެ ތަރުޖަމާނު އޭއެފްޕީއަށް ދެއްވި އިންޓަވިއުއެއްގައި ވިދާޅުވީ، ތަފާތު 16 މައްސައެއްގެ ތުހުމަތު މިމީހާގެ މައްޗަށް ކުރެވި ތަހުގީގު ހިނަގަމުންދާ ކަމަށާއި އޭގެ ތެރޭގައި މުސްލިމުންގެ ވިޔަފާރިތަކާއި، ގޯތި ގެދޮރާއި، މިސްކިތްތަކުގައި ހުޅު ޖެހުން ހިމެނޭ ކަމަށާއި އަދި އެކަންކަމުގެ ސަބަބުން ދީނީ ގޮތުން ނުތަނަވަސްކަން އުފެއްދި ކަމުގެ ތުހުމަތުވެސް ކުރެވިފައިވާ ކަމަށެވެ.

ހައްޔަރު ކުރި މީހަކީ ފިލައިގެން އުޅޭ ހައްދުފަހަނަ އަޅާފައިވާ ބުޑިސްޓު ފާދިރީ ގުނަނަސަރަ އާ ގާތް ގުޅުމެއް އޮންނަ މީހެއް ކަމަށް މީޑިއާ ރިޕޯޓުތަކުގައި ވެއެވެ. މި ފާދިރީއަކީ ހަތިޔާރު އެޅި މި ބުޑިސްޓު ޖަމާއަތުގެ ވެރިޔާއެވެ. މި ފާދިރީ އަތުލައިގަތުމަށް ފުލުހުންގެ ހަތަރު ޓީމަކުން ގެންދަނީ މަސައްކަތް ކުރަމުންނެވެ.

ބޮޑު ބަލަ ސޭނާ ގުރޫޕަކީ 2014 ވަނަ އަހަރު ދީނާ ގުޅޭ ޖަރީމާތަކެއް ލަންކާގައި ހިންގި ގުރޫޕެކެވެ. އެ ޖަރީމާތަކުގައި ހަތަރު މީހުން މަރުވެފައިވެއެވެ. ބޮޑެތި ތުހުމަތުތަކެއް ކުރެވުނު ނަމަވެސް ރާޖަޕަކްސާގެ ވެރިކަމުގައި އެ ގުރޫޕް ސަލާމަތްވިއެވެ. އޭރުގެ ޑިފެންސް މިނިސްޓަރ އަދި ރާޖަޕަކްސާގެ ކޮއްކޮ ގޮތަބަޔާ އަކީ އަކީ މި ބްޑިސްޓު ގްރޫޕަށް އެއްބާރުލުން ދިން ފަރާތެއް ކަމަށް ވަނީ ބެލެވިފައެވެ.

ސްރީލަންކާގެ އާބާދީގެ 10 އިން ސައްތަ އަކީ މުސްލިމުންނެވެ.