ނޭޝަންސް ލީގުގެ ޗެމްޕިއަން ފްރާންސަށް ކްރޮއޭޝިއާ އަތުން މޮޅުނުވެވި, ޕޮއިންޓަކުން ފުއްދާލަން ޖެހިއްޖެއެވެ.

ފްރާންސާއި ކްރޮއޭޝިޔާ ވާދަކުރި މެޗު އެއްވަރުވީ 1-1 ނެވެ. މެޗުގައި ފުރަތަމަ ލަނޑު ޖަހާ ކުރި ހޯދީ ފްރާންސުންނެވެ. ދެވަނަ ހާފްގައި ފްރާންސަށް ކުރި ހޯދައިދިނީ ރަބިއޯއެވެ. ޕެނަލްޓީއަކުން 83 ވަނަ މިނިޓްގައި ކްރޮއޭޝިޔާއަށް ނަތީޖާ ހަމަހަމަކޮށްދިނީ ކްރަމަރިޗްއެވެ. ރެފްރީ ޕެނަލްޓީ ދިނީ ވީއޭއާރުން ބެލުމަށްފަހުއެވެ. މެޗަށް ފްރާންސް ނިކުތީ ޑެންމާކް އަތުން ބަލިވި މެޗުގެ ފުރަތަމަ އެގާރައަސް ދިހަ ބަދަލެއް ގެނެސްގެންނެވެ. ރޭގެ މެޗަކީ ކްރޮއޭޝިއާގެ މިޑްފީލްޑަރ މޮޑްރިޗް ޤައުމީ ޓީމަށް ކުޅުނު 150 ވަނަ މެޗެވެ.

މިގްރޫޕްގައި ޑެންމާކް ވަނީ 2-1 ން އޮސްޓްރިއާ ބަލިކޮށް ގްރޫޕްގެ އެއްވަނައަށް ޖެހިލާފައެވެ. އެއީ ދެ މެޗުންވެސް މޮޅުވެ ހަ ޕޮއިންޓާއެކުއެވެ. ދެވަނާގައި ތިން ޕޮއިންޓާއެކު އޮތީ އޮސްޓްރިއާއެވެ. ފްރާންސާއި ކްރޮއޭޝިއާވެސް އޮތީ ޕޮއިންޓަކާއެކުއެވެ. ފްރާންސަށް ކުރިއަށް އޮތީ އޮސްޓްރިއާއާ ވާދަކުރާ މެޗެވެ. ކްރޮއޭޝިއާ ވާދަކުރާނީ ޑެންމާކާއެވެ.