ސައުދީ އަރަބިއްޔާ އާއި ގަތަރާ ގުޅުން ކަނޑާލާފައިވާއިރު، އުމްރާގެ އަޅުކަން އަދާކުރުމަށް ދިޔަ ގަތަރު ރައްޔިތުން މައްކާއަށް ވަނުން މަނާކޮށްފި އެވެ.
މައްކާގެ ހެޑް އޮފް ނެޝަނަލް ކޮމެޓީގެ ހިއުމަން ރައިޓްސް ޑރ. އަލީ ބިން ސްމެއިޚް އަލް މައްރީ ވިދާޅުވެފައިވަނީ ގަތަރާ ގުޅުން ކަނޑާލުމުގެ ސަބަބުން މައްކާއަށް ގަތަރުގެ ރައްޔިތުން ވަނުން ސައުދީއިން މަނާ ކޮށްފައިވާކަމަށެވެ.
ގަތަރުގެ ނެޝަނަލް ހިއުމަން ރައިޓްސް ކަމިޝަން(އެންއެޗްއާރުސީ) ގެ އެންމެ އިސްވެރިޔާ އަލީ ބިން ސްމެއިޚް ނެރުއްވާފައިވާ ބަޔާނެއްގައި ވިދާޅުވެފައިވަނީ ސައުދީގައި ތިބި ގަތަރުގެ މީހުން އެގައުމުން ދިއުމަށާއި ސައުދީއަށް އެރުން މަނާކުރުކަމަށް ބުނެފައިވާކަމަށެވެ.
ޓެރަރިޒަމާއި ހައްދުފަހަނައަޅާފައިވާ ޖަމާއަތްތަކާ ގަތަރުން ގުޅުން ބަދަހިކުރާކަމަށް ބުނެ ގަތަރާ ގުޅުން ކަނޑާލާފައިވާ އަރަބި ގައުމު ތަކަކީ ސައުދީ އަރަބިއްޔާ، މިސްރު، ބަހުރޭން އަދި ޔުނައިޓެޑް އަރަބް އެމިރޭޓްސް އަދި ލީބިއާ އެވެ.
