ގދ.ގައްދޫ ބަނދަރު ތަރައްޤީ ކުރުމުގެ މަސައްކަތް ފެށުމަށްޓަކައި ތައްޔާރުވެ، މިމަހުގެ 7ވަނަ ދުވަހު ސައިޓް މޮބަލައިޒް ކުރެވިފައިވާ ކަމަށް އެމްޓީސީސީން ހާމަކޮށްފިއެވެ.
މިމަޝްރޫއުގެ ދަށުން 23017 ކިއުބިކް މީޓަރު ސަރަހައްދެއްގެ ބަނދަރު ފުންކުރުމާއި، 320 މީޓަރު ސަރަހައްދެއްގައި އެއްގަމު ތޮށިލުމަށްވަނީ ހަމަޖެހިފައެވެ. އޭގެ އިތުރުން 35 މީޓަރު ސަރަހައްދެއްގައި ރިވެޓްމަންޓް ޖެހުމާއި، 232 މީޓަރު ސަރަހައްދެއްގައި ބޭރުތޮށި ލުމަށްވެސްވަނީ ހަމަޖެހިފައެވެ. އަދި 320 މީޓަރު ސްކައުރިން އޭޕްރަންއެއް ހެދުމާއި، 1600 އަކަ މީޓަރު ސަރަހައްދެއްގައި ހާބަރ ޕޭވްމެންޓް ހެދުން ހިމެނެއެވެ.
Advertisement
އަދި މީގެ އިތުރުން 26 މީޓަރު ދިގު 2 މީޓަރު ފުޅާ ބުރިޖެއް ހެދުމާއި، މަގު ބައްތި ހަރުކުރުމާއި ނެރު ބައްތި ހަރުކުރުންވެސް މިމަޝްރޫގައި ހިމެނެއެވެ.
މިއީ 38.4 މިލިއަން ރުފިޔާގެ މަޝްރޫއެކެވެ.
