އުމްރާގެ އަޅުކަން އަދާކުރުމަށް ގޮސް އުޅުނު ދިވެއްސަކު ނިޔާވެއްޖެއެވެ.
ނިޔާވެފައިވަނީ ބ.އޭދަފުށީ މާބަގީޗާގޭ އުމުރުން 76 އަހަރުގެ އަބޫބަކުރު ހަސަން (ބަކުރުބޭ) އެވެ. އޭނާ ނިޔާވީ ހަރަމްފުޅުގައި ފަތިސް ނަމާދުކޮށްގެން އެނބުރި ހޮޓަލަށް ދިޔަތަނުން ކަމަށް މައުލޫމާތު ލިބެއެވެ. އަބޫބަކުރު އުމްރާއަށް ދިޔައީ މުސާފިރީން އުމްރާ ގުރޫޕްގެ ހަވާލުގައެވެ.
އަބޫބަކުރު އުމްރާއަށް ދިޔައީ އަންހެނުންނާއި ހުރިހާ ދަރިންނާއި ބައެއް ކާފަ ދަރިންނާވެސް އެކުއެވެ. އޭނާ އުމްރާގެ އަޅުކަން އަދާ ކުރުމަށް މައްކާއަށް ދިޔައީ މި މަހުގެ 17ވަނަ ދުވަހުއެވެ.
