އެމެރިކާގެ ނާއިބުރައީސް ކަމަލާ ހެރިސް ކޮވިޑް-19އަށް ޕޮޒިޓިވްވެއްޖެއެވެ.
އެކަމަނާ ކޮވިޑަށް ޕޮޒިޓިވްވެފައިވާކަން އަންގާރަ ދުވަހު ހާމަކުރައްވާފައިވާއިރު އެކަމަނާ ވަނީ ކެލިފޯނިއާއަށް ހަފްތާއެއްގެ ދިގު ދަތުރެއް ކުރައްވާފައެވެ.
އަންގާރަ ދުވަހު ކަމަލާ ކުރެއްވި ޓްވީޓެއްގައި ވިދާޅުވީ ކޮވިޑަށް ޕޮޒިޓިވްވި ނަމަވެސް އެއްވެސް އަލާމާތެއް ފެންނަން ނެތް ކަމަށެވެ. އެހެންނަމަވެސް އެމެރިކާގެ ސެންޓަރ ފޮރ ޑިޒީސް ކޮންޓްރޯލް އެންޑް ޕްރިވެންޝަންގެ ގައިޑްލައިންއާ އެއްގޮތަށް އެކަހެރިވެވަޑައިގަންނަވާނެ ކަމަށް އެކަމަނާ ވިދާޅުވިއެވެ.
އެކަމަނާގެ ޕްރެސް ސެކްރެޓަރީ ކްރިސްޓަން އެލެން ނެރުއްވި ބަޔާނެއްގައި ވިދާޅުވީ އެމެރިކާގެ ރައީސް ޖޯ ބައިޑެންއާ ފަސްޓް ލޭޑީއާއި ކަމަލާ ކޮންޓެކްޓުވެވަޑައިގެންފައިނުވާކަމަށެވެ. އަދި ގައިޑްލައިންއާއި އެއްގޮތަށް އެކަހެރިވެވަޑައިގެން ހުންނަވާނެ ކަމަށާއި، އެނބުރި ވައިޓް ހައުސްއަށް ވަޑައިގަންނަވާނީ ނެގެޓިވް ޕީސީއާރު ޓެސްޓަކާއެކު ކަމަށް އެލެން ވިދާޅުވިއެވެ.
