ރާއްޖެޓީވީ އަދި ރާއްޖެއެމްވީގެ ހަބަރު އެޕްލިކޭޝަން "ރާއްޖެ ނިއުސް އެޕް" ލޯންޗްކޮށްފިއެވެ.
މި އެޕް ޑިވަލަޕްކޮށްފައިވަނީ، ރާއްޖެ.އެމްވީގެ ވެބް ޑިވަލަޕަރ ސަމާހު ރަޝީދެވެ. މީގެ އިތުރުން މި ޓީމުގައި ރާއްޖެޓީވީގެ ޑެޕިއުޓީ ސީއޯއޯ ނާޒްމީ ސައީދުގެ އިތުރުން ޗީފް ޓެކްނިކަލް އޮފިސަރ އިސްމާއިލް ޖިނާހުގެ އެހީތެރިކަން ލިބިގެންދިޔައެވެ. ރާއްޖެ ޓީވީގެ މެނޭޖިންގ ޑިރެކްޓަރ އަހުމަދު ސަލީމްގެ އެއްބާރުލުމާއި އެހީތެރިކަން އަދި މި މަސައްކަތް ހަގީގަތަށް ހެދުމުގައި ޓީމާއި ވަރަށް ގާތުން މަސައްކަތް ކުރެއްވިއެވެ.
މި އެޕްލިކޭޝަން ލޯންޗް ކޮށްދެއްވީ ރާއްޖެޓީވީގެ ޑެޕިއުޓީ ސީއޯއޯ ނާޒްމީ ސައީދެވެ. މި އެޕް ގޫގަލް ޕްލޭ އަދި އެޕް ސްޓޯރ އިން ހިލޭ ޑައުންލޯޑް ކުރެވޭނެއެވެ. އެޕްގެ ނަމެއްގެ ގޮތުގައި އިންނާނީ ރާއްޖެއެވެ. މި އެޕް މެދުވެރިކޮށް ރާއްޖެ ޓީވީ އަދި ރާއްޖެ.އެމްވީ އިން ގެނެސްދޭ އެންމެ ފަހުގެ ހަބަރުތަކުގެ އިތުރުން، ރިޕޯޓްތަކާއި، ފޮޓޯ ސްޓޯރީތަކާއި، ވީޑިއޯ އަދި ލުއި ހަބަރާއި ދީނާއި ގުޅުން ހުރި ހަބަރާއި މައުލޫމާތުގެ އިތުރުން ވާހަކަ އަދިއިތުރު ބައިތައް ހިމެނިފައިވާނެއެވެ.
އަދި ޕުޝް ނޮޓިފިކޭޝަން އޮން ކޮށްގެން އެންމެ ފަހުގެ ހަބަރުތައް ވަގުތުން ވަގުތަށް ފޯނަށް އަންނަ ގޮތަށް ހަދާ އެޕް މެދުވެރިކޮށް ހަބަރުގެ އިތުރުން އެހެނިހެން ބައިތައް ވެސް ބަލާލެވޭނެއެވެ. މީގެ އިތުރުން ރާއްޖެޓީވީގެ ލައިވް ސްޓްރީމް ވެސް އެޕް މެދުވެރިކޮށް ވަގުތުން ބަލާލެވޭނެއެވެ.
މި އެޕަކީ ޒަމާނީ ހުރިހާ ފީޗާތަކެއް ހިމަނައިގެން ތައްޔާރުކޮށްފައިވާ އެޕެކެވެ.
