ޕާކިސްތާނުގެ ރައީސް އެ ގައުމުގެ ގާނޫނު ހަދާ މަޖިލިސް އުވާލައްވައިފިއެވެ.
ގާނޫނު ހަދާ މަޖިލިސް އުވާލެއްވީ، ބޮޑުވަޒީރު އިމްރާން ޚާންގެ ލަފާފުޅުގެ މަތިން ކަމަށް ރިޕޯޓްތައް ބުނެއެވެ.
ގާނޫނުހަދާ މަޖިލިސް އުވާލާފައި މިވަނީ، ބޮޑުވަޒީރު އިމްރާން ޚާން ބޮޑުވަޒީރުކަމުން ދުރުކުުރުމަށް ނެގުމަށް ހަމަޖެހިފައިވާ ވޯޓު މަޖިލީހުން ބޭރުކޮށްލާފައިވަނިކޮށެެވެ. މައްސަލަ މަޖިލީހުން ބޭރުކޮށްލީ، މަޖިލީހުގެ ނައިބު ރައީސްއެވެ. މައްސަލަ ބޭރުކޮށްލާފައިވަނީ، ބޭރުގެ ބާރުތަކުން ޕާކިސްތާނުގެ ޑިމޮކްރަސީގެ ތެރެއަށް ވަދެގަތުމަށް، ގާނޫނު އަސާސިއާއި ދެކޮޅަށް ހިންގާ އަމަލެއްކަމުގައި ބުނެއެވެ.
ޕާކިސްތާނުގެ ގާނޫނު އަސާސީގައި ވާގޮތުގެމަތިން، އިތުބާރު ނެތްކަމުގެ މައްސަލަ ގާނޫނުހަދާ މަޖިލީހަށް ވައްދާތާ 14 ދުވަހުގެ ތެރޭގައި، ގާނޫނުހަދާ މަޖިލިހުގެ ތިރިގޭގެ ރައީސް، ބޮޑުވަޒީރުގެ މައްޗަށް އިތުވާރު އޮތްތޯ ބެލުމަށްޓަކާ ވޯޓަށް އެހުމަށް ގާނޫނުހަދާ މަޖިލިސް އެއްކުރަން ޖެހެއެވެ.
އިތުބާރު ނެތްކަމުގެ މައްސަލަ ބޭރުކޮށްލުމާއެކު އިމްރާން ޚާން ވަނީ ގާނޫނު ހަދާ މަޖިލިސް އުވާލުމަށްފަހު އަލުން އިންތިޚާބް ބޭއްވުމަށް އެގައުމުގެ ރައީސްގެ ކިބައިން އެދިވަޑައިގެންފައެވެ.
