ކުޅުދުއްފުށި ސިޓީ އަމީނީމަގުގައި ބާރު ސްޕީޑްގައި ދުއްވާފައި ދިއަ ސައިކަލެއް ކޮންޓްރޯލް ނުވެގެންގޮސް ހޮޅި ދަނޑިއެއްގައިޖެހި އެކްސިޑެންޓްވެ އަލިފާން ރޯވެއްޖެއެވެ.

އެކްސިޑެންޓްވީ ސައިކަލް ޖެހިފައިވަނީ އަމީނީމަގުގައި ޒޯން ސްޓޭޑިއަމްއާއި ދިމާލުގައި ހުރި ހޮޅި ދަނޑިއެއްގައެވެ. ސައިކަލްގައި ރޯވި އަލިފާންގަނޑު ނިއްވާލީ ކުޅުދުއްފުށި ފަޔަރ ސްޓޭޝަންގެ ފަޔަރފައިޓަރުންނެވެ.

ކުޅުދުއްފުށީ ރީޖަނަލް ހޮސްޕިޓަލުން ބުނީ އެކްސިޑެންޓްވެފައި ވަނީ 24 އަހަރުގެ ފިރިހެނެއްކަމަށާއި އޭނާއަށް ހޮސްޕިޓަލްގައި ފަރުވާ ދެމުންދާކަމަށެވެ. އެކްސިޑެންޑް ވީމީގެ ހަށިގަނޑުގެ ތަންތަން މަށައިގެން ގޮސްފައިވާ ކަމަށާއި އިތުރު ޓެސްޓްތައް ހެދުމުގެ މަސައްކަތް ކުރިއަށްދާކަމަށްވެސް އެހޮސްޕިޓަލުން ބުނިއެވެ.