ރާއްޖޭގައި އިތުރު 628 މީހަކު ކޮވޑް-19ށް ޕޮޒިޓިވްވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އެންމެ ފަހުން އާންމުކުރި ތަފާސްހިސާބުތަކަށް ބަލާއިރު, ފާއިތުވި 24 ގަޑިއިރު ތެރޭގައި މާލެ ސަރަހައްދުން 715 ސާމްޕަލް ވަނީ ޓެސްޓްކޮށްފައެވެ. އޭގެތެރެއިން ޕޮޒިޓިވްވެފައިވަނީ 40 މީހުންނެވެ.

ފާއިތުވި 24 ގަޑިިއިރު ތެރޭގައި މުޅި ރާއްޖެއިން 3،374 ސާމްޕަލް ވަނީ ޓެސްޓްކޮށްފައެވެ. އޭގެތެރެއިން ޕޮޒިޓިވްވެފައިވަނީ 628 މީހުންނެވެ. އެއީ މާލެ ސަރަހައްދުން 40 މީހުންނާއި އަތޮޅުތަކުން 501 މީހުންނެވެ. އަދި ހިންގަމުންދާ ރިސޯޓްތަކުން 49 މީހުންނެވެ. 38 މީހުންނަކީ, ޕޮޒިޓިވްވެފައިވަނީ ކޮންތަނަކުން ކަމެއް ދެނެގަނެވިފައިނުވާ މީހުންނެވެ.

މިއާއެކު ރާއްޖެއިން ކޮވިޑަށް ޕޮޒިޓިވް މީހުންގެ އަދަދު ވަނީ 168،124 އަށް އަރާފައެވެ. މީގެތެރެއިން 152،437 މީހުން ވަނީ ބަލިން ރަނގަޅުވެފައެވެ. މިވަގުތު އެކްޓިވް ކޭހުގެ ގޮތުގައި ގުނަމުން އަންނަނީ 15،380 ކޭހެވެ. އޭގެތެރެއިން 23 މީހުންނަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ. މިހާތަނަށް 294 މީހުން ވަނީ މިބަލީގައި ނިޔާވެފައެވެ.

ރާއްޖެއަށް ކުރިމަތިވި ކޮވިޑް-19ގެ ފަސްވަނަ ރާޅާއެކު ކޭސްތައް ޖެނުއަރީ މަހުގެ ތެރޭގައި ވަރަށް ބޮޑަށް އިތުރުވެގެން ދިޔައެވެ. 2500 އަށްވުރެ މަތީގައި ކޭސްތައް ރިޕޯޓު ކުރެވުނު ނަމަވެސް ފެބްރުއަރީ މަސް ފެށުނު ފަހުން އަންނަނީ ކޭސްތައް މަދުވަމުންނެވެ.