ޅ އަތޮޅުގެ 6 ރަށަކަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ދަތުރުފުޅެއް ކުރެއްވުމަށް ހަމަޖެހިއްޖެއެވެ.
ރައީސް އޮފީހުގެ ތަރުޖަމާން މަބްރޫކް އަޒީޒު ވިދާޅުވީ ރައީސް ޅ އަތޮޅަށް ވަޑައިގަތުމަށް ހަމަޖެހިފައިވަނީ މިމަހުގެ 18ން 20ށް ކަމަށެވެ. ރައީސްގެ މިދަތުރުފުޅުގައި ޅ އަތޮޅުގެ ނައިފަރު، އޮޅުވެލިފުށި، ކުރެންދޫ އަދި ރައީސްގެ އުފަން ރަށް ހިންނަވަރަށް ވަޑައިގަންނަވާނެއެވެ. މީގެއިތުރުން ޅ އަތޮޅުގައި މަސް ފެކްޓްރީ ހިންގަމުން އަންނަ ފެލިވަރަށް ވަޑައިގަންނަވާއިރު މަޑިވަރަށްވެސް ވަޑައިގަތުމަށް ވަނީ ހަމަޖެހިފައެވެ.
ރައީސް ވަނީ މީގެކުރިންވެސް ޅ އަތޮޅުގެ ބައެއް ރަށްތަކަށް ވަޑައިގަންނަވާފައެވެ. އަދި ރާއްޖޭގެ އެކި ކަންކޮޅުތަކަށް ވަޑައިގެން ރައްޔިތުންނާ ބައްދަލުކުރައްވާ ކަންކަން ކައިރިން ގެންދަވަނީ ބައްލަވަމުންނެވެ.
