ކ. ކާށިދޫ އަންހެނުންގެ ތަރައްޤޛއަށް މަސައްކަތްކުރާ ކޮމެޓީއާއި މައިކޮލެޖް ކާށިދޫ ކެމްޕަސް ގުޅިގެން ކާށިދޫގައި "ސެޓްފިކެޓް 1 އިން އަރަބިކް ލެންގްއޭޖް" ކޯހެއް ހިންގުމަށް ހަމަޖެހިއްޖެއެވެ.
ކާށިދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީން ހާމަކޮށްފައިވާ ގޮތުގައި މި ކޯސް ހިންގުމަށް ހަމަޖެހިފައިވަނީ ކޯހުގެ ބައިވެރީންގެ އަތުން އެއްވެސް ފީއެއް ނުނަގައެވެ. މި ކޯހުގައި ބައިވެރިވާން ބޭނުންވާ ފަރާތްތަކަށް ވަނީ ޝަރުޠުތަކެއް ކަނޑައަޅާފައެވެ. އޭގެ ތެރޭގައި އަސާސީ ތަޢުލީމް ފުރިހަމަ ކޮށްފައިވުން ނުވަތަ ގްރޭޑް 6 ނިންމާފައިވުން ހިމެނެއެވެ. މި ކޯހުގެ މުއްދަތަކީ 3 މަސް ދުވަހެވެ.
މި ކޯހާގުޅޭ އިތުރު މަޢުލޫމާތު ބޭނުންވާ ފަރާތްތަކުން 7654203 މި ނަމްބަރަށް ވައިބަރ ކުރުމަށް ކާށިދޫ އަންހެނުންގެ ތަރައްޤީއަށް މަސައްކަތް ކުރާ ކޮމެޓީއިން ވަނީ އެދިފައެވެ.
