ލޯންޗަކާއި ޑިންގީއެއް ޖެހި ހިނގި އެކްސިޑެންޓްގައި އަނިޔާވި ދެ މީހަކަށް އައިޖީއެމްއެޗް ހޮސްޕިޓަލްގައި ފަރުވާދޭން ފަށައިފިއެވެ.
ފުލުހުން ބުނީ ބުދަ ދުވަހުގެ އިރު އޮއްސި 6:50ގައި ވިލިމާލެ ދެކުނު ފަރާތުން ލޯންޗަކާއި ޑިންގީއެއް ޖެހިފައިވާ ކަމަށެވެ. އެކްސިޑެންޓަށްފަހު ޑިންގީ އަޑިއަށް ގޮސްފައިވާއިރު ދެ ފިރިހެނަކަށް އަނިޔާވެ އައިޖީއެމްއެޗަށް ގެންގޮސް ފަރުވާ ދެމުން ގެންދާ ކަމަށެވެ. އެ މީހުންނަށް ލިބުނު ޒަޚަމްތަކުގެ ތަފްސީލް އަދި ސާފެއް ނުވެއެވެ.
އެކްސިޑެންޓް ހިނގި ސަރަހައްްދުގައި މިހާރުވެސް ފުލުހުން ހަރަކާތްތެރިވަމުން އަންނައިރު އެ ދިމާއިން ކަނޑުތެރެއަށް ޑިންގީ އަޑިއަށް ގޮސްފައިވާތީ، އެ ސަރަހައްދުން ދަތުރު ކުރާއިރު ސަމާލުވުމަށް ފުލުހުން ވަނީ އިލްތިމާސްކޮށްފައެވެ.
