ރެސްޓޯރެންޓް އެސޯސިއޭޝަން އޮފް މޯލްޑިވްސް (ރެމް) އާއި އެންޝުއަރ ގުޅިގެން ކުރިއަށްގެންދާ ''ފުޑް ސޭފްޓީ ރެސްޕޮންސިބިލިޓީ' ޕްރޮގްރާމް ހޮނިހިރު ދުވަހު ފަށާނެއެވެ.

ރާއްޖޭގައި ކާބޯތަކެތީގެ ވިޔަފާރިކުރާ ރެސްޓޯރެންޓް/ހޮޓާ ތަކުގެ ވެރިންނަށް ޚާއްސަކޮށްގެން ކުރިއަށްގެންދާ މި ޕްރޮގްރާމުގެ ތެރެއިން މިފަދަ ވިޔަފާރިތައް ހިންގާ ތަންތަނުގެ ސާފުތާހިރުކަމުގެ މުހިންމުކަމާ ގުޅެގޮތުން މައުލޫމާތު ފޯރުކޮށްްދޭނެއެވެ. އަދި ފުޑް ސޭފްޓީ މެނޭޖްމެންޓް ސިސްޓަމް ގާއިމުކުރަނެ ގޮތާ، ސާފުތާހިރުކަމުގެ ސަގާފަތެއް އެކުލަވާލާނެ ގޮތުގެ މައުލޫމާތު ދިނުން މި ޕްރޮގްރާމުގެ ތެރޭގައި ހިމެނެއެވެ.

ރެމް އިން ބުނީ މި ވޯކްޝޮޕްގައި ބައިވެރިވާ ހުރިހާ ފަރާތްތަކަށް ސެޓްފިކެޓް ދިނުމަށް ނިންމާފައިވާ ކަމަށެވެ.

މި ޕްރޮގްރާމު ކުރިއަށް ގެންދިއުމަށް ހަމަޖެހިފައި ވަނީ ޑިސެމްބަރ 18 ވާ ހޮނިހިރު ދުވަހުގެ ހެނދުނު 10:00ން 12:00ށް ޓީއެފްޖީ ބިލްޑިންގ (މއ. ފްރީޕާރކް، ބޮޑުފުޅައްގޯޅި) 2ވަނަ ފަންގިފިލާގައެވެ.