ހއ.ދިއްދޫން އިތުރު 8 މީހަކު ކޮވިޑަށް ޕޮޒިޓިވްވެއްޖެއެވެ.
ދިއްދޫގައި ހުންނަ އެ އަތޮޅުގެ ހޮސްޕިޓަލުން އާންމު ކުރި އެންމެ ފަހުގެ މައުލޫމާތުގައިވާ ގޮތުން ދިއްދޫން އިތުރު 8 މީހަކު ޕޮޒިޓިވް ވެފައިވާއިރު އެއީ 5 ސާމްޕަލާއި ޑައިރެކްޓް ކޮންޓެކްޓުންގެ ގޮތުގައި ހިމެނޭ ތިން މީހެކެވެ. އެގޮތުން މިހާތަނަށް ދިއްދޫން ޕޮޒިޓިވް ވެފައިވާ މީހުންގެ އަދަދު 88ށް ވަނީ އަރާފައެވެ.
ހއ. އަތޮޅު ހޮސްޕިޓަލުން މައުލޫމާތު ދޭގޮތުގައި މިހާތަނަށް ދިއްދޫން 1318 ސާމްޕަލް ވަނީ ނަގާފައިއެވެ. އޭގެ ތެރެއިން ނަތީޖާ ނުލިބިވަނީ 18 ސާމްޕަލެވެ. އަދި 35 މީހަކުވަނީ ބަލިން ރަނގަޅުވެފައިއެވެ.
މިއަހަރުގެ މިހާތަނަށް ދިއްދޫ ވަނީ ހަތަރު ފަހަރެއްގެ މަތީން މޮނީޓަރީން އަށް ލެވިފައިއެވެ. މި ބަލީގައި ދިއްދޫން 5 މީހަކު ވަނީ ނިޔާވެފައެވެ.
