ހއ. ދިއްދޫގެ ފަޅުތެރެއަށް ހޮނިހިރު ދުވަހު ރާގޮނޑި އައިނެއް ވަދެއްޖެއެވެ
ދިއްދޫ ފަޅުތެރެއަށް ދެ ފަހަރެއްގެ މަތީން ވަނީ ރާގޮޑި އައިން ވަދެފައެވެ. އެންމެ ފުރަތަމަ ރާގޮނޑިއައިން ފަޅުތެރެއަށް ވަދެފައިވަނީ 11:00 ހާއިރުއެވެ. މި އައިން ވަނުމާއިއެކު ދިއްދޫގެ ގިނަ ބަޔަކު ވަނީ ރާނގޮޑި ހިފުމަށް މަސައްކަތް ކޮށްފައެވެ. ނަމަވެސް ފަޅުތެރެއިން ރާނގޮޑި އައިން ނިކުމެގެން ދިޔުމުގެ ސަބަބުން މި އައިން ހިފޭގޮތް ވަނީ ނުވެފައެވެ. މި އައިނުން ހިފިފައިވަނީ 50 ރާގޮނޑިއެވެ. ދިއްދޫގެ ގިނަ ބަޔަކު ބުނާ ގޮތުގައި މި މަސް އައިން ނުހިފުނު މައިގަނޑު ސަބަބަކީ އެވަގުތު ބޯކޮށް ވާރޭ ވެހުމާއި މަސް ހިފަން ނިކުތް މީހުން ނިސްބަތުން މަދުވުމެވެ. އަދި އެކަން ކުރާނެ ގޮތް ވެސް ނޭނގުން ކަމަށެވެ.
ދެވަނަ ރާނގޮޑި އައިން ދިއްދޫގެ ފަޅުތެރެއަށް ވަދެފައިވަނީ މެންދުރު އެކެއް ޖަހާކަށް ހާއިރުއެވެ. މި އައިން ދިއްދޫގެ ފަޅުތެރެއަށް ވަނުމާއިއެކު ދިއްދޫގެ ކުދިބޮޑު ގިނަ ބަޔަކު ވަނީ މަސްއައިން ހިފާފައެވެ. އެގޮތުން ދާ ޖަހާއިގެން ކުރި މަސައްކަތުން ވަނީ 9000 އަށް ވުރެ ގިނަ މަސް ހިފާފައެވެ.
ދިއްދޫގެ ފަޅުތެރެއަށް ވަން މަސްއައިނުން ހިފައިފައިވާ މަސް، ދިއްދޫގެ ގޭގެޔަށް ބެހުމުގެ މަސައްކަތް މިހާރު ދަނީ ކުރަމުންނެވެ.
