ކ. ހުރާއިން 41 މީހަކު ކޮވިޑް-19 އަށް ފައްސިވެއްޖެއެވެ.
ކ. ހުރާ ހެލްތު ސެންޓަރުން އާންމުކުރި ތަފާސްހިސާބުތަކުން ދައްކާގޮތުގައި، ކ. ހުރާއިން ބުދަ ދުވަހުގެ ނިޔަލަށް 41 މީހަކު ވަނީ ކޮވިޑް-19 އަށް ފައްސިވެފައެވެ.
މީގެ ތެރެއިން 2 މީހަކު ބަލިން ރަނގަޅުވެފައިވާއިރު މިހާރު އެކްޓިވް ކޭސްގެ ގޮތުގައި އުޅެނީ 39 ކޭހެވެ.
Advertisement
މިވަގުތު މޮނީޓަރިންގެ ހާލަތުގައި އޮތް ހުރާގައި ކޮވިޑް-19 ފެތުރުން ކޮންޓްރޯލްކުރުމުގެ ގޮތުން މިހާރުވަނީ ފިޔަވަޅުތަކެއް އަޅާފައެވެ. އެގޮތުން ގިނަ މީހުން އެކުގައި ދަތުރުދިއުމާއި، މަގުމަތީގައާއި ކެފޭ ފަދަ ތަންތަނުގައި މީހުން އެއްވެ އުޅުން ވަނީ މަނާކޮށްފައެވެ.
ހުރާގެ އިތުރުން ކ. އަތޮޅު ގުރައިދޫ ވެސް މިވަގުތު އޮތީ މޮނީޓަރިންގެ ހާލަތުގައެވެ.
