އިންޑިއާގެ މީރު ރަހަތައް އެކުލެވޭ މަޝްހޫރު "ގްރޭންޑްމާސް" ބްރޭންޑްގެ ގިނަ އުފެއްދުންތަކާއެކު ހިތަދޫގައި ޝޯރޫމެއް ހުޅުވައިފިއެވެ.
ބީއެންޑްމޯ ކޮމްޕެނީއާއި ގްރޭންޑްމާސް ގުޅިގެން "ސިޓީ ބާޒާރު"ގެ ނަމުގައި ހިތަދޫ އައިމަލިމަގު "ސައިފަތްމާގޭ" ގައި ހުޅުވި މި ފިހާރައިގެ ހިތަދޫ ޑިސްޓްރިބިއުޓަރ އަކީ "ޓައިޓޭން މޯލްޑިވްސް" އެވެ.
އެތަނުން މަޢުލޫމާތު ދޭގޮތުގައި ގްރޭންޑްމާސް ބްރޭންޑްގެ ހުރިހާ އުފެއްދުމެއް ވެސް އެފިހާރައިން ހޯލްސޭލްކޮށް އަދި ރީޓެއިލް ވެސް ކުރަމުންދާނެއެވެ.
"މިއީ ދިވެހީންނަށް ވަރަށް ކަމުދާ، އެމީހުން ނުހަނު ގަޔާވާ ބްރޭންޑަކަށް ވުމުން އަޅުގަނޑުމެން މިއުފެއްދުންތައް އައްޑޫއަށް މިގެނައީ. އިންޑިއާއިން އަންނައިރު ވެސް ގްރޭންޑްމާ ބްރޭންޑްގެ ކޮންމެވެސް އެއްޗެއް ބޭނުންވެގެން ކިޔާތީ އަޑުއިވެނީ. އެހެންވެ އެފަދަ ފަރާތްތަކަށް ފަސޭހަކަމާއެކު ލުއި އަގެއްގަ މި ބްރޭންޑް ގެ އަސާރައާއި ޖޫހާއި ޖޭމް ކަހަލަ އެއްޗިހި ކޮންމެ ދުވަހަކުހެން ގޭގައި ތިބެގެން ކާން ލިބޭނެ މިހާރު."ޓައިޓޭން މޯލްޑިވްސްގެ މެނޭޖިން ޑިރެކްޓަރ އަހްމަދު ޝަރީފް
ގްރޭންޑްމާސް ބްރޭންޑްގެ ކާބޯތަކެއްޗަކީ އިންޑިއާގެ ގިނަ ބައެއްގެ މަގުބޫލުކަން ހޯދާފައިވާ ތަކެތިކަމަށްވެފައި މިއީ އިންޑިއާގެ އިތުރުން އެމެރިކާ، އިނގިރޭސިވިލާތް، އަޔަލޭންޑް، ސައުތުއެފްރިކާ، ޖަރުމަންވިލާތް، އޮސްޓްރޭލިއާ، ނިއުޒިލޭންޑް، ސައުތުކޮރެއާ އަދި ރާއްޖޭގައި ވެސް ނަން މަޝްހޫރު ބްރޭންޑެކެވެ.
ގްރޭންޑްމާސްގެ އުފެއްދުންތަކުގެ ތެރޭގައި ތަފާތު ވައްތަރުގެ އަސާރައާއި ޖޭމާއި ހަވާދުގެ އެކި ބާވަތްތަކާއި ސޯސްގެ އިތުރުން ދަޅުގައި ބަންދުކުރި ކާނާއާއި ތައްޔާރީ ކާނާ ހިމެނެއެވެ.
އިންޑިއާގައި އެންމެ ފުރަތަމަ ބްރޭންޑެޑް އަސާރައެއް ތައްޔާރުކުރީ ވެސް ގްރޭންޑްމާސް އިންނެވެ. "ހޮޓް އެންޑް ސްވީޓް ލައިމްޕިކަލް" ގެ ނަމުގައި އުފެއްދި މި އަސާރައަކީ މަސްނޫޢީ އެއްވެސް މާއްދާއެއް ނުހިމަނާ ހަދާފައިވާ، އަނގަޔަށް މީރު، ސިއްޙަތަށް ފައިދާހުރި އަސާރައެކެވެ.
