"ޢަރަބް އިސްލާމިކް އެމެރިކަން ސަމިޓް" ސަޢޫދީ ޢަރަބިއްޔާގެ ރިޔާޟުގައި ފަށައިފިއެވެ.
އެމެރިކާގެ ރައީސް ޑޮނަލްޑް ޓްރަމްޕް ވެރިކަމާ ހަވާލުވެ ވަޑައިގެންނެވުމަށްފަހު ގައުމުން ބޭރަށް ކުރައްވާ ފުރަތަމަ ދަތުރުފުޅުގައި ސައުދީއަރަބިއްޔާއަށް ވަޑައިގެންފައިވާއިރު މި ސަމިޓްގައި ރައީސް ޓްރަމްޕް ތަގްރީރު ކުރައްވާނެއެވެ.
އަރަބި އަދި އިސްލާމީ ގައުމުތަކުގެ 55 ގައުމަކުން ގައުމުތަގެ އިސްވެރިން ބައިވެރިވެ ވަޑައިގަންނަވާއިރު ލީޑަރުންނާ މުޚާތަބްކުރައްވާ އިސްލާމްދީނާ ބެހޭގޮތުން ރައީސް ޓްރަމްޕް ތަގުރީރެއް ކުރެއްވުމަށް ވަނީ ހަމަޖެހިފައެވެ.
ވެރިކަމަށް ވަޑައިގެންނެވިތާ ހަތް ދުވަހުގެ ތެރޭގައި މުސްލިމުން އެމެރިކާއަށް އެރުން މަނާކުރެއްވުމުގެ އަމުރު ނެރުއްވި ޓްރަމްޕް މި ސަމިޓްގައި ތަޤުރީރު ކުރައްވާނީ" ހައްދު ފަހަނައެޅުމާ" ބެހޭ ގޮތުންނެވެ.
ރިޔާޒްގެ "ކިންގް އަބްދުލް އަޒީޒް ކޮންވެންޝަން ސެންޓަރ"ގައި ކުރިޔަށްދާ މި ބައްދަލުވުން ފަށާފައިވަނީ ގުރުއާނުގެ ބަރަކާތުންނެވެ.
