އިންޑިއާގެ އެންމެ ކުޑަ ދެމަރިންގެ ކައިވެނި ކުލަގަދަ ހަފްލާއަކާ އެކު ހިމާޗަލް ޕްރަދޭޝްގައި ބާއްވައިފިއެވެ. ކައިވެނި ކުރީ ޢުމުރުން 34 އަހަރުގެ ރާޖޭޝް ކުމާރާއި، 30 އަހަރުގެ ޝެލްޖާ ކުމާރެވެ.
މި ދެމީހުންގެ ކައިވެނި ކުރެވޭ ގޮތް ވީ ދެ ފަރާތުގެ އާއިލާ މެދުވެރިވެގެން ކުރި އިންތިޒާމްތަކުގެ ސަބަބުންނެވެ.
ދެމީހުންވެސް ކުރިން ތިބީ ކައިވެންޏެއް ކުރެވޭނެ ކަމުގެ އުއްމީދު ގެއްލިފައެވެ. ނަމަވެސް އެ ކަމުގެ ކަންބޮޑުވުން ފިލައިގެން ގޮސް އެންމެ ފަހުން އުފާވެރި ކައިވެންޏަކަށް ދެ ފަރާތުގެ އާއިލާގެ ސަބަބުން މަގު ތަނަވަސް ވެގެން ދިޔައީއެވެ.
ކައިވެންޏަށް ފަހު އެ ދެމީހުން ބުނީ އެއީ އެކަކު އަނެކަކަށްޓަކައި ދުނިޔެއަށް ފޮނުއްވި ދެމީހުން ކަމަށާއި، ކައިވެނި ކުރެވުނީތީ ވަރަށް އުފާވާ ކަމަށެވެ.
