އަންނަ އަހަރު ރިލީޒްކުރުމަށް ހަމަޖައްސާފައިވާ ހިންދީ ފިލްމު " ބާގީ 2" އިން ނުފެންނާނެ ކަމަށް ކްރީތީ ބުނެފިއެވެ.

ކްރީތީ މިހެން ބުނީ "ބާގީ 2" ގައި އޭނާ ފެންނާނެ ކަމަށް އަޑުތައް ފެތުރުމުންނެވެ. އަޑުތައް ފެތުރިފައިވާ ގޮތުގައި "ބާގީ 2" އިން ފެންނާނީ ކްރިތީ އާއި ޓައިގާ ޝްރޮފްއެވެ.

"ބާގީ" ގެ ދެވަނަ ބައި ނެރޭނީ އަންނަ އަހަރުގެ އެޕްރީލް މަހު ކަމަށް އެ ފިލްމުގެ ޕޯސްޓަރ ރިލީޒް ކުރި ހަފްލާގައި ވަނީ އިއުލާން ކޮށްފައެވެ.

ކުރީގެ ފިލްމާ އެއްގޮތަށް ފިލްމުގެ ލީޑް ރޯލުން ޓައިގާ ފެނުނު ނަމަވެސް "ބާގީ 2" އަށް ވަނީ ބައެއް ބަދަލުތައް އައިސްފަ އެވެ."ބާގީ"ގެ ފުރަތަމަ ބައިގައި ޓައިގާއާ އެކު ފެނިގެންގޮސްފައިވަނީ ޝްރައްދާ ކަޕޫރެވެ. އެހެން ނަމަވެސް މިފަހަރު ޓައިގާއާ އެކީ ފެންނާނީ އެހެން ބަތަލާއެކެވެ.

"ބާގީ 2" ވެސް ޕްރޮޑިއުސްކުރާނީ 2016 ވަނަ އަހރު ނިކުތް"ބާގީ" ޕްރޮޑިއުސް ކުރި ސާޖިދު ނަދިއަދްވާލާ އެވެ.

ޓައިގާ ދެން އެންމެ އަވަހަށް ފެނިގެން ދާނީ ސަބީރު ޑައިރެކްޓް ކުރާ "މުންނާ މައިކަލް" އިންނެވެ."ބާގީ2" ގެ ޝޫޓިން ފަށާފައި ވަނީ ޓައިގާގެ އުފަންދުވަހުގައެވެ. ޓައިގާ ވަނީ މި ފިލްމަށް ތައްޔާރުވުމަށް އެއް މަސް ދުވަހުގެ ތަމްރީންތައް ހަދާފައެވެ.