ހޯމަ ދުވަހު އިތުރު 362 މީހުން ވެކްސިންގެ ދެވަނަ ޑޯޒް ޖަހައިފިއެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން އާންމުކޮށްފައިވާ ފަހުގެ ތަފާސްހިސާބުތައް ދައްކާ ގޮތުން 362 މީހަކު ވެކްސިންގެ ދެވަނަ ޑޯޒް ޖަހާފައިވާއިރު، އެއީ ތެރޭގަަައި މާލެ ސަރަހައްދުން ވެކްސިން ޖެހި 12 މީހުންނާއި އަތޮޅު ތެރެއިން ވެކްސިން ޖެހި 350 މީހުންނެވެ.

އޭގެ އިތުރުން، އިތުރު 92 މީހުން ވަނީ ވެކްސިންގެ ފުރަތަމަ ޑޯޒް ޖަހާފައެވެ. އެއީ އަތޮޅު ތެރެއިން ވެކްސިން ޖެހި މީހުންނެވެ.

ރާއްޖެއިން މިހާތަނަށް ވެކްސިންގެ ފުރަތަމަ ޑޯޒް ޖަހާފައިވަނީ 320،887 މީހުންނެވެ. އަދި ދެވަނަ ޑޯޒް ޖަހާފައިވަނީ 259،761 މީހުންނެވެ.

އީދު ބަންދާ ގުޅިގެން، އާދީއްތަ ދުވަހުން ފެށިގެން މާލެ ސަރަހައްދުގައި ވެކްސިން ޖެހުން ވަނީ ވަގުތީ ގޮތުން މެދުކަނޑާލާފައެވެ.