ހޯމަ 01 ޖޫން 2020
13 ރޯނު
1441 ޝައްވާލް 09
ފަތިސް 04:34
އިރުއަރާ 05:52
މެންދުރު 12:08
އަސްރު 15:30
އިރުއޮއްސޭ 18:16
އިޝާ 19:34
ކޮވިޑް-19

ކޮރޯނާވައިރަހަށް ޕޮޒިޓިވްވި މަލްޑިނީ އާއި އޭނާގެ ދަރިފުޅު ޑެނިއެލް ރަނގަޅުވެއްޖެ

  • ދެބަފައިން ކޮވިޑް-19 އަށް ޕޮޒިޓިވްވީ މާޗު މަހުގެ 21 ވަނަ ދުވަހު

ކ. މާލެ | 9 އޭޕްރިލް 2020 | ބުރާސްފަތި 18:55 | 3,917

ޕައޮލޯ މަލްޑިނީ އާއި އޭނާގެ ދަރިފުޅު ޑެނިއަލް މަލްޑިނީ - ގެޓީ އިމޭޖާސް

މިހާރު ހަލުވިކަމާއެކު ފެތުރެމުންދާ ކޮރޯނާވައިރަސް (ކޮވިޑް-19) އަށް ޕޮޒިޓިވްވި އޭސީ މިލާނުގެ ކުރީގެ ކެޕްޓަން ޕައޮލޯ މަލްޑިނީ އާއި އޭނާގެ ދަރިފުޅު އުމުރުން 18 އަހަރުގެ ޑެނިއަލް މަލްޑިނީ ރަނގަޅުވެއްޖެ އެވެ.

ދެބަފައިން މި ވައިރަހުން ރަނގަޅުބެފައިވާ ކަމަށް އިޓަލީގެ ނޫސްތަކުން ވަނީ ރިޕޯޓުކޮށްފައެވެ. އޭސީ މިލާނުގެ ޓެކްނިކަލް ޑިރެކްޓަރު ޕައުލޯ މަލްޑިނީ އާއި އެޓީމުގެ މިޑްފީލްޑަރު ޑެނިއަލް މަލްޑިނީ ވައިރަހަށް ޕޮޒިޓިވްވީ މިދިޔަ މާޗު މަހުގެ 21 ވަނަ ދުވަހު އެވެ. ރިޕޯޓުތައް ބުނާ ގޮތުން މި ވައިރަހުގެ ސަބަބުން ދެބަފައިންގެ ތެރެއިން އެންމެ ބޮޑަށް އަސަރުކުރީ ޑެނިއަލް އަށެވެ.

މަލްޑިނީ އާއި އޭނާގެ ދަރިފުޅު ޑެނިއެލް ކޮވިޑް-19 އިން ސަލާމަތްވިއިރު، އިޓަލީގެ ގިނަ ކުޅުންތެރިންތަކެއް މިހާތަނަށް ވަނީ މި ވައިރަހަށް ޕޮޒިޓިވްވެފައެވެ. އޭގެ ތެރޭގައި ޔުވަންޓަސްގެ ތިން ކުޅުންތެރިން ކަމަށްވާ ޕައުލޯ ޑިބާލާ އާއި ބްލައިސް މަޓުއިޑީ އަދި ޑެނިއަލީ ރުގާނީ ހިމެނެއެވެ.

ކޮވިޑް-19 އާ ގުޅިގެން އިޓާލިއަން ލީގު ވަނީ މުއްދަތެއް ނެތް ގޮތަށް ފަސްކޮށްފައެވެ.

ކޮވިޑް-19 އެންމެ ހަލުވިކަމާއެކު ފެތުރުނު ތިންވަނަ ގައުމަކީ އިޓަލީއެވެ. އެގޮތުން އެ ގައުމުގެ 139،000 އަށްވުރެ ގިނަ މީހުންނަށް މި ވައިރަސް ޖެހިފައިވާއިރު، އެ ގައުމުން 17،000 އަށްވުރެ ގިނަ މީހުން ވަނީ މަރުވެފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.