އާދީއްތަ 12 ޖުލައި 2020
12 ފުނޯސް
1441 ޒުލްގައިދާ 21
ފަތިސް 04:42
އިރުއަރާ 06:00
މެންދުރު 12:15
އަސްރު 15:38
އިރުއޮއްސޭ 18:24
އިޝާ 19:41
އިންޑޮނޭޝިޔާ

ހައްދު ޖެހުމަށް އަޑު އުފުލި މިހާ ގައިގައި ހައްދު ޖަހައިފި

  • ގާނޫނޫ ވުޖޫދަށް ގެނައުމަށް އޭނާ ވަނީ އަޑު އުފުލާފައި

ކ. މާލެ | 2 ނޮވެންބަރ 2019 | ހޮނިހިރު 05:12 | 38,337

މުހްލިސް ބިން މުހައްމަދު - އޭއެފްޕީ

އިންޑޮނޭޝިޔާގައި ހައްދު ޖެހުމުގެ ގާނޫނު އެކުލަވައިލުމަށް އެންމެ ބޮޑަށް ވަކާލާތު ކުރި މީހާ ގައިގައި ޒިނޭކުރި ކަމުގެ ތުހުމަތުގައި ހައްދު ޖަހައިފިއެވެ.

އެއްޗެއް އުލޫމާ ކައުންސިލް (އެމްޕީޔޫ)ގެ މެމްބަރެއް ކަމުގައިވާ އުމުރުން 46 އަހަރުގެ މުހްލިސް ބިން މުހައްމަދު ގައިގައި 28 ފަހަރު ހައްދު ޖަހާފައިވަނީ ޕާކެއްގައެވެ. އޭނާއާާއި އެކު ބަދު އަހުލާގީ އަމަލު ހިންގި އަންހެން މީހާގެ ގައިގައި 23 އެތިފަހަރުގެ ހައްދު ވަނީ ޖަަހާފައެވެ.

އެ ދެމީހުންނަށް އަދަބު ދީފައިވަނީ މުސްލިމުންގެ އާބާދީ ބޮޑު އިންޑޮނޭޝިޔާ ގައި އިސްލާމީ ޝަރިޔަތް ހަމައެކަނި ތަންފީޒު ކުރާ އެއްޗޭ ޕްރޮވިންސްގައެވެ. އެއްޗޭ ޕްރޮވިންސްގެ މީހުންގެ ތާއިދު ލިބިފައިވާ ހައްދު ޖެހުން އާއްމު ވެފަިއވަނީ 2005 ވަނަ އަހަރު ވުޖޫދަށް އައި ގާނޫނާއެެކުއެވެ.

ވައްކަމާއި ޖުވާކުޅުން ފަދަ ކަންތައްތަކުގައި އެ ސަރަހައްދުގައި ހައްދު ޖަހާ އުޅޭއެވެ. މިހާރު އަމަލު ކުރަމުންދާ އިސްލާމީ ޝަރިޔަތް ޑްރާފްޓް ކުރުމުގެ މަސައްކަތް ކުރުމަށް އެމްޕީޔޫ އިން ވަނީ ސަރުކާރަށް ލަފާދީފައެވެ. އެހެން ނަމަވެސް އެ ގާނޫނޫ އެކުލަވާލުމުގައި މުހައްމަދުގެ ރޯލެއް އެ ޖަމްއިއްޔާއިން ހާމައެއް ނުކުރެއެވެ.

އެއްޗޭ ބެސަރް ޑިސްޓްރިކްޓްގެ ސީނީޔާ އޮފިޝަލެއް ކަމަށްވާ ހުސައިނީ ވައްހާބް ވިދާޅުވީ، މީހުން ގައިގައި ހައްދު ޖަހަނީ އެމީހުންނަށް އިސްލާމީ ޝަރީޔަތުގައި ކަންތައްތައް އޮންނަ ގޮތް ހަނދާން ކޮށްދިނުމުގެ ގޮތުން ކަމަށެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.